Qyzylorda oblysynda QR Premer-Ministri Baqytjan Saǵyntaev oblystyń óz isin jańa bastaǵan jáne jumys istep jatqan biznesmenderine konsýltatsiialyq kómek kórsetetin óńirlik Kásipkerlerge qyzmet kórsetý ortalyǵynyń jumysymen tanysty, - dep habarlaidy "Ult aqparat".
Oblys ákiminiń orynbasary Evgenii Kim «Atameken» ÓKP janyndaǵy Kásipkerlerge qyzmet kórsetý ortalyǵynda memlekettik qoldaýdyń iske asyrylyp jatqan baǵdarlamalary, onyń ishinde Ónimdi jumyspen qamtý jáne jappai kásipkerlikti damytý baǵdarlamasy, «Biznestiń jol kartasy-2020» boiynsha túsindirý jumystary júrgizilip jatqanyn baiandady. Budan ózge, memlekettik satyp alý, ulttyq kompaniialar men jer qoinaýyn paidalanýshylardyń satyp alýlary salasyndaǵy jumys boiynsha jáne memlekettik-jekeshelik áriptestik jobalaryn iske asyrý boiynsha konsaltingtik qyzmetter kórsetiledi.
KQKO qyzmeti ruqsat qujattaryn alý kezindegi ákimshilik kedergilerdi azaitý, memlekettik qoldaý tetikteriniń qoljetimdiligin arttyrý boiynsha Úkimettiń sharalaryn óńirde iske asyrýǵa baǵyttalǵan. Ortalyqtyń mindeti – kásipkerlik saýattylyq deńgeiin arttyrý, AÓK-degi zamanaýi tehnologiialardy engizý boiynsha kómek kórsetý, ShOB sýbektilerin marketingtik jáne aqparattyq ilgeriletý.
Aita keteiik, búgingi tańda Kásipkerlerge qyzmet kórsetý ortalyǵynda konsýltatsiia túrinde 289 qyzmet jáne ruqsat qujattaryn alý boiynsha, onyń ishinde tehnikalyq sharttar jáne jer telimderiniń maqsatty paidalanylýyn ózgertý boiynsha kómek kórsetildi.
.jpeg)