- Búgin Astanada QR Premer-Ministri Baqytjan Saǵyntaev Indýstriialandyrý kúni aiasynda ótkizilgen sharalarǵa qatysty, dep habarlaidy "Ult aqparat".
«Qazmedia» ortalyǵynda «Altyn sapa» QR Prezidenti syilyǵynyń laýreattaryn, biznestiń áleýmettik jaýapkershiligi jónindegi «Paryz» baiqaýynyń jáne «Qazaqstannyń úzdik taýary» respýblikalyq kórme-baiqaýynyń jeńimpazdaryn saltanatty marapattaý rásimi ótti.
Indýstriialandyrý kúni barysynda Premer-Ministr «Azyq-túlik taýarlaryn jáne/nemese aýyl sharýashylyǵy ónimderin óndiretin eń úzdik kásiporyn» atalymy boiynsha «Ordabasy Qus» JShS-na QR Prezidentiniń «Altyn sapa» arnaiy syilyǵyn tabystady.
Baqytjan Saǵyntaev «Paryz» syilyǵynyń altyn músinshelerin myna atalymdar boiynsha birinshi oryn alǵan kásiporyndar: «Úzdik áleýmettik jaýapkershilikti kásiporyn» - «BI GROUP» holdingine, «Eńbekti qorǵaý salasyndaǵy úzdik kásiporyn» atalymy boiynsha «Ómirzaq-Servis» JShS-ne, «Úzdik ujymdyq shart» atalymy boiynsha «Saǵyz Petroleým Kompani» JShS-ne, «Ekologiiaǵa qosqan úlesi úshin» atalymy boiynsha birinshi oryn iegeri «PetroKazahstan Oil Prodakts» JShS-ne tabystady.
Biyl «Paryz» respýblikalyq baiqaýyna qatysýǵa elimizdiń barlyq óńirleriniń 501 kásiporyny ótinim bergen.
Marapattaý rásiminiń sońynda Memleket basshysynyń qatysýymen 23 indýstriialdyq joba usynylǵan Jalpyulttyq telekópir ótti.
Ult portaly
.jpeg)