"QR Premer-Ministri Baqytjan Saǵyntaev Úkimet otyrysy barysynda sapaly qazaqstandyq kinony túsirý jáne shalǵaidaǵy eldi mekenderde kinozaldar salý qajettigin aitty", - dep habarlaidy "Ult aqparat".
Búgin Úkimet otyrysy aiasynda «Kinematografiia týraly» Zań, sondai-aq Kinematografiiany damytý tujyrymdamasy usynyldy, bul qujattarda otandyq kinoindýstriianyń odan ári damýynyń negizgi baǵyttary kórsetilgen.
Sonymen qatar, otyrys barysynda bolashaq qazaqstandyq kinematografiia týraly osy saladaǵy belgili óner ieleri óz pikirlerimen bólisti. Olardyń arasynda Halyq ártisi Asanáli Áshimov, kinorejisser Aqan Sataev, «Meloman» kompaniiasynyń bas direktory Vadim Golenko, rejisser Rústem Ábdirashev, «Arman» kinoteatrlar jelisiniń direktory Baýyrjan Shúkenov, Qazaqstan kinematografisteriniń tóraǵasy Aqan Ibraev, rejisser jáne prodiýser Rashid Nuǵymanov bar.
Sóz sóilegenderdi tyńdaǵan soń Premer-Ministr kinoteatrlarǵa kórermenderdi kóptep tartý úshin joǵary sapaly filmder túsirý qajettigin atap ótti. Sonymen qatar ol ásirese, shalǵaidaǵy eldi mekenderde kinozaldar sananyń jetkiliksizdigine nazar aýdardy. Osyǵan bailanysty B.Saǵyntaev ásirese, mono- jáne shaǵyn qalalarda osy salaǵa biznesti tartý tetikterin oilastyrýdy tapsyrdy.
Premer-Ministr óziniń orynbasary I. Tasmaǵambetovke barlyq múddeli taraptarmen birlese otyryp Kinematografty damytý tujyrymdamasy men Zań jobasyn talqylap, olardy Úkimet qaraýyna usynýdy tapsyrdy.
.jpeg)