QR Úkimet basshysy Baqytjan Saǵyntaev investitsiialar jónindegi «Kazakh Invest» ulttyq kompaniiasy direktorlar keńesin basqarady. Bul týraly búgin Úkimette ótken baspasóz máslihatynda QR IDM Investitsiialar jónindegi komitettiń tóraǵasy Saparbek Tuiaqbaev málim etti, - dep habarlaidy "Ult aqparat" QR Investitsiialar jáne damý ministrliginiń baspasóz qyzmetine silteme jasap.
Ol aqpan aiynyń sońyna deiin investitsiia jónindegi Kazakh Invest ulttyq kompaniiasynyń qurylatynyn jáne qaita qurý protsedýrasy aiaqtalatynyn atap ótti.
Bul kompaniia sheteldik ókildikter men filialdardyń aýqymdy jelisin qamtyp, Úkimet atynan iri investorlarmen jáne maqsatty TUK-men "biryńǵai kelissóz júrgizýshi" retinde is-qimyl jasaityn bolady. "Kompaniia fýnktsiialaryna investitsiialyq jobalardy ázirleýdi qamtamasyz etý, investitsiiany qajet etetin jobalardyń tizimin ázirleý, maqsatty jáne daiyndyǵy bar investorlardy tartý, resmi tulǵalarmen qol jetkizilgen barlyq kelissózderge monitoring (folloý-ap) jasaý; «Bir tereze» qaǵidaty boiynsha investitsiialyq jobalardyń júzege asýyna qoldaý kórsetý jáne týyndaǵan máseleni jergilikti jerde sheshý; AEA pen infraqurylymdy damytýdy basqarý kiredi" delingen habarlamada.
Investitsiia komiteti tóraǵasynyń aitýynsha, biyl sáýirde investitsiia jónindegi OESR Komitetine kirý jumystary aiaqtalatyn bolady.
Eske sala keteiik, ótken jyldyń qazan aiynda birlesken jumys qorytyndylary boiynsha investitsiia jónindegi OESR Komiteti Qazaqstandy osy uiymnyń qatysýshysy retinde shaqyrý týraly sheshim qabyldaǵan bolatyn.
Transulttyq kompaniialardy tartý boiynsha Prezidenttiń synyn eskere otyryp, Memleket basshysynyń investorlarmen kelisimin júzege asyrý jáne ony monitoringteý kúsheitiletin bolady. Qazir sheteldik investorlardyń barlyǵy 200-den astam bastamasy jumys ústinde. Budan bólek, salalyq memlekettik organdarmen, oblys ákimdikterimen jáne ulttyq kompaniialarmen birge áleýetti investorlarǵa usynylatyn jobalardy ázirleý jumystary júrgizilýde (investitsiialyq usynystar).
"Búginde ministrlik investorlardy qoldaý úshin "bir tereze" qaǵidaty boiynsha biryńǵai aqparattyq júie engizý boiynsha jumys jasap jatyr. Biryńǵai aqparattyq júieni engizý arqyly Jobalardy júzege asyrýda viza alý, kelissózder júrgizý siiaqty jumystar biryńǵai aqparattyq júiede kórsetiletin bolady. Árbir jobaǵa "Kazakhinvest" ulttyq kompaniiasy" AQ-nyń bir-bir qyzmetkeri jaýapty bolady. Sondai-aq, S.Tuiaqbaev qazirgi ýaqytta Arnaiy ekonomikalyq aimaq pen indýstrialdy aimaqtyń jumysyn jandandyrý úshin jańa qadamdar jasalyp jatqanyn aitty", - deidi baspasóz qyzmetindegiler.
