Búgin QR Saýda jáne integratsiia ministri Baqyt Sultanov «Nur Otan» partiiasynyń respýblikalyq qoǵamdyq qabyldaýynda birqatar azamatty qabyldady, dep habarlaidy QazAqparat.
Aldymen «Hanter» JShS-niń kommertsiialyq direktory Nurseiit Shorabekov Qaraǵandy oblysynda kólikterge gaz quiatyn stansasy bar ekendigin, alaida qarasha aiynan beri ákimdik tarapynan áleýmettik gazdy ala almai otyrǵandyǵyn aityp, ministrge shaǵymdandy.
«Jergilikti atqarýshy organdarǵa hat jazyp suraǵan edik. Mardymdy jaýap ala almadyq. Bir aidan astam ýaqyt ótti. Jumys toqtap tur, jumysshylarymyzdyń jalaqysyn bere almai, shyǵynǵa da batyp otyrmyz», - dedi ol.
Qoǵamdyq qabyldaýǵa arnaiy kelgen QR EM Gaz ónerkásibin damytý departamenti direktorynyń orynbasary Qýanysh Sársekeev osy máselege túsinikteme berip, bul túitkildiń dál búgin tolyqtai sheshilgendigin Qaraǵandy oblysynyń ákimdigi áleýmettik gaz alatyn kompaniialar tizimine «Hanter» JShS-in qosqandyǵyn aitty.
«Bul máseleni »Nur Otan« partiiasymen birge baqylaýǵa alamyz. Qaraǵandy oblysynyń ákimdiginiń tiisti qyzmetterine habarlasyp, máseleni anyqtaimyz. Másele sheshilse de baqylaýǵa alatyn bolamyz», - dedi Baqyt Sultanov.
Kelesi ministrdiń aldyna kelgen elordalyq úshinshi toptaǵy múgedek Marat Beisenbaev birneshe jyldan beri aiaq kiim tigetin sheberhana ashý úshin oryn suraǵanymen taýy shaǵylyp júrgendigin aitty.
«4-5 jyldan beri aiaq kiim tigetin sheberhana ashý úshin oryn surap júrmin. Qala ákiminiń orynbasaryna, »Atamekenge«, Áleýmettik-kásipkerlik korporatsiiasyna barǵanymmen nátije joq. Áne-mine deýmen ýaqytym ótti», - dedi Marat Beisenbaev.
Osyǵan orai Baqyt Sultanov «1000 saýda orny» jobasynyń jetekshisi Seken Ádilbekovpen atalǵan máselege orai túsinikteme berýin suraǵan edi. Joba jetekshisiniń aitýynsha, Marat Beisenbaevtyń ótinishi, qujattary qaralyp rásimdelgennen keiin «Atameken» kásipkerler palatasyna berilgen. Endi máselesi 22 qarasha kúni qaralyp sheshilmek.
«Marat Sándibekuly, joba jetekshisi máseleniń sheshiletindigin aityp otyr. Bizde ony »Nur Otan« partiiasy filialymen birge baqylaýǵa alamyz jáne jumaǵa deiin jaýabyn alyp qalarsyz. Eger jumaǵa jaýaby bolmasa maǵan habarlasyp aityńyz. Sheshemiz. Jeke baqylaýyma alamyn», - dedi Baqyt Sultanov.
.jpeg)