Almaty oblysyna jumys sapary barysynda QR Premer-Ministriniń orynbasary – saýda jáne integratsiia ministri Baqyt Sultanov óńirdiń áleýmettik-ekonomikalyq damý máseleleri boiynsha jumys keńesin ótkizdi, dep habarlaidy primeminister.kz.
Oblys ákimi Qanat Bozymbaev birqatar problemalyq máselelerdi jáne olardy sheshýdiń yqtimal joldaryn atap ótti. Atap aitqanda, ol isten shyǵyp qalǵan sýarmaly jerlerdi ainalymǵa tartý jáne osy sanattaǵy jerlerden aýyl sharýashylyǵy ónimderiniń salyq jinaýyn 35%-ǵa arttyrý jónindegi sharalar týraly habarlady.
Sonymen birge, oblys ákimi B. Sultanovqa tozǵan sý qubyry jelilerin rekonstrýktsiialaý, oblystyń eldi mekenderin gazdandyrýdy jalǵastyrý, taý-ken óndirý ónerkásibin, Taldyqorǵan qalasynyń injenerlik-kólik infraqurylymyn damytý, kezekte turǵandardy qoljetimdi jáne sapaly turǵyn úimen qamtamasyz etý, úsh aýysymdy oqytýdy joiý, kommýnaldyq menshikti basqarýdyń keibir máseleleri, qoǵamdyq jumystar men muǵalimderdiń jalaqysyn uiymdastyrý, sondai-aq saiajai alaptarynyń problemalaryn sheshý barysy týraly baiandady.
Qanat Bozymbaevtyń aitýynsha, joǵaryda atalǵan birqatar problemalardy sheshý úshin qosymsha biýdjettik qarjylandyrý qajet. Ákim Premer-Ministrdiń orynbasarynan óńirdiń ótinimderin qoldaýdy surady.
Premer-Ministrdiń orynbasary – saýda jáne integratsiia ministri Baqyt Sultanov qazirgi ýaqytta Úkimettiń keńeitilgen otyrysynda aitylǵan el Prezidentiniń tapsyrmalaryn tiimdi oryndaý maqsatynda biýdjetti naqtylaý jobasyn daiyndaý jumystary júrgizilip jatqanyn atap ótti.
«Barlyq máselelerdi qarjy jáne ulttyq ekonomika ministrlikteri taldaityn bolady. Keńeste aitylǵan birde-bir másele nazardan tys qalmaidy», – dedi B. Sultanov.
Ol sondai-aq ákimdiktiń azyq-túlik qaýipsizdigin qamtamasyz etý, áleýmettik mańyzy bar taýarlardyń baǵasyn baqylaý jáne jalpy saýda salasyn damytý maqsatynda naryqtar men bazarlardy jańǵyrtý jónindegi jumysynyń basymdyǵyna nazar aýdardy.
QR Premer-Ministriniń orynbasary – saýda jáne integratsiia ministri Baqyt Sultanovtyń Almaty oblysyna jumys sapary Qazaqstan-Qytai shekarasyndaǵy «Nur joly» ótkizý pýnktine, «Qorǵas – Shyǵys qaqpasy» erkin ekonomikalyq aimaǵyna, «Qorǵas» HShYO-ǵa barýymen jalǵasty.
«Nur joly» ótkizý pýnktinde B. Sultanov jaýapty mamandarmen, sondai-aq júk tasymaldaý protsesine qatysýshylarmen taýarlardy tasymaldaýdyń qoldanystaǵy tártibiniń tetikterin jáne júkterdi tasymaldaý protsesin jetildirý júiesin talqylady.
Bul rette, basty nazar júk tasymaldaýdyń biryńǵai elektrondyq kezegin uiymdastyrý ádisterin talqylaýǵa jáne júk tasymaldaýdyń jeke operatorlaryn (qazirgi ýaqytta olardyń ekeýi) alyp tastaý esebinen tasymaldaý qunyn edáýir qysqartýǵa aýdaryldy.
Júk tasymaldaýshylarǵa qol jetkizý tásilin ózgertý mindeti qoiyldy. Jergilikti tasymaldaýshylardyń áleýmettik máselelerin sheshý jáne jumyspen qamtýdy qamtamasyz etý úshin on kún ishinde bastamashyl tobymen birge júksiz kólikterdi alyp tastai otyryp kezekti «tazalaý» tapsyryldy. Sonymen birge ártúrli júk túrlerin tasymaldaýshylardyń ońtaily modelin ázirleý tapsyryldy.
«Qorǵas – Shyǵys qaqpasy» AEA keńsesinde ótken keńeste ortalyq memlekettik organdar men óńir ákimdiginiń ókilderimen Qorǵas torabyn – «Qorǵas» halyqaralyq shekara mańy yntymaqtastyǵy ortalyǵyn jańǵyrtýdy qosa alǵanda, transshekaralyq habtardy damytý tujyrymdamasyn talqylady.
Qazirgi ýaqytta «Qorǵas» HShYO aýmaǵynda qazaqstandyq jáne sheteldik kapitaldyń qatysýymen birqatar investitsiialyq jobalardy iske asyrý pysyqtalýda: sút, shulyq-uiyq ónimderdiń, bólmearalyq esikterdiń óndirisin ashý, jumsaq jáne korpýstyq jihazdardy qurastyrý jáne basqalary.
Baqyt Sultanov transshekaralyq ónerkásiptik kooperatsiia orny retinde habtardy qalyptastyrý men damytýdyń biryńǵai júiesin ázirleý qajettigine basa nazar aýdardy.
«Bizge tek diýti-fri ǵana qajet emes. Óndiristerdi, sonyń ishinde eksportqa baǵdarlanǵan óndiristerdi qurý jóninde jumys isteý qajet. Sondyqtan habtardyń negizgi aýmaqtary indýstriialyq-logistikalyq aimaqqa ainalýy tiis. Árine, saýda jáne týristik aimaqtardy tolyǵymen joqqa shyǵarýǵa bolmaidy. Biraq olar óndiristen basym bolmaýy kerek», – dedi Sultanov.
