Býtan patshalyǵy – Qytai men Úndistan aralyǵynda ornalasqan Ońtústik Aziia memleketi, dep jazady Massaget.kz.
Býtan memleketiniń basqarýshylyq jolyndaǵy basty maqsaty – ár azamattyń baqytty bolýyna jaǵdai jasaý. Bul 2008 jyly tamyzdyń 24-i kúni qabyldanǵan Konstitýtsiianyń 9-babynda bekitilgen.
Halyqty tirkeý kezinde «Siz baqyttysyz ba?» degen suraq qoiylady. 2005 jyly júrgizilgen sońǵy sanaq kezinde jurt jaýaby bylai qorytyndylanǵan: halyqtyń 45.2%-y – «óte baqyttymyn», al 51.6%-y – «baqyttymyn» dep, tek 3.3% «asa baqytty emespin» dep jaýap bergen.
Býtanda jalpy ishki ónim túsinigi – «búkil halyqtyq baqyttylyq» kórsetkishimen esepteledi. Bul Baqyt Ministrligi jumys isteitin álemdegi jalǵyz memleket. Ulttyq saiasat boiynsha da baqyt eń basty orynǵa qoiylǵan.
Shynynda da bul – ashtyq, qylmys bolmaityn, halqy soǵys pen joqshylyqtyń ne ekenin bilmei, tek shattyqta ómir súretin tańǵajaiyp el. Býtanda turatyn jurt basqalaryna qaraǵanda óte aqjarqyn, qonaqjai. Bul jaqty jailaǵan el óz mádenietin qurmetpen saqtaidy.
Munda tipti janýarlar da baqytty, olardy óltirýge qatań tyiym salynǵan. Himiialyq tyńaitqyshtar ákelýge de bolmaidy, jerden ósip shyqqannyń barlyǵy ózdiginen taza bolyp, ekologiiaǵa ziianyn tigizbeidi. Bul taza da gúldengen memlekettiń taǵy bir artyqshalyǵy, Býtanda orman otalmaidy.
Patshalyq ózin-ózi kiimmen, azyq-túlikpen tolyǵymen qamtamasyz ete alady. Sol sebepten de barlyq adam «kho» ulttyq kiimimen júredi.
