بۋتان پاتشالىعى – قىتاي مەن ٷندٸستان ارالىعىندا ورنالاسقان وڭتٷستٸك ازييا مەملەكەتٸ, دەپ جازادى Massaget.kz.
بۋتان مەملەكەتٸنٸڭ باسقارۋشىلىق جولىنداعى باستى ماقساتى – ەر ازاماتتىڭ باقىتتى بولۋىنا جاعداي جاساۋ. بۇل 2008 جىلى تامىزدىڭ 24-ٸ كٷنٸ قابىلدانعان كونستيتۋتسييانىڭ 9-بابىندا بەكٸتٸلگەن.
حالىقتى تٸركەۋ كەزٸندە «سٸز باقىتتىسىز با?» دەگەن سۇراق قويىلادى. 2005 جىلى جٷرگٸزٸلگەن سوڭعى ساناق كەزٸندە جۇرت جاۋابى بىلاي قورىتىندىلانعان: حالىقتىڭ 45.2%-ى – «ٶتە باقىتتىمىن», ال 51.6%-ى – «باقىتتىمىن» دەپ, تەك 3.3% «اسا باقىتتى ەمەسپٸن» دەپ جاۋاپ بەرگەن.
بۋتاندا جالپى ٸشكٸ ٶنٸم تٷسٸنٸگٸ – «بٷكٸل حالىقتىق باقىتتىلىق» كٶرسەتكٸشٸمەن ەسەپتەلەدٸ. بۇل باقىت مينيسترلٸگٸ جۇمىس ٸستەيتٸن ەلەمدەگٸ جالعىز مەملەكەت. ۇلتتىق ساياسات بويىنشا دا باقىت ەڭ باستى ورىنعا قويىلعان.
شىنىندا دا بۇل – اشتىق, قىلمىس بولمايتىن, حالقى سوعىس پەن جوقشىلىقتىڭ نە ەكەنٸن بٸلمەي, تەك شاتتىقتا ٶمٸر سٷرەتٸن تاڭعاجايىپ ەل. بۋتاندا تۇراتىن جۇرت باسقالارىنا قاراعاندا ٶتە اقجارقىن, قوناقجاي. بۇل جاقتى جايلاعان ەل ٶز مەدەنيەتٸن قۇرمەتپەن ساقتايدى.
مۇندا تٸپتٸ جانۋارلار دا باقىتتى, ولاردى ٶلتٸرۋگە قاتاڭ تىيىم سالىنعان. حيمييالىق تىڭايتقىشتار ەكەلۋگە دە بولمايدى, جەردەن ٶسٸپ شىققاننىڭ بارلىعى ٶزدٸگٸنەن تازا بولىپ, ەكولوگيياعا زييانىن تيگٸزبەيدٸ. بۇل تازا دا گٷلدەنگەن مەملەكەتتٸڭ تاعى بٸر ارتىقشالىعى, بۋتاندا ورمان وتالمايدى.
پاتشالىق ٶزٸن-ٶزٸ كيٸممەن, ازىق-تٷلٸكپەن تولىعىمەن قامتاماسىز ەتە الادى. سول سەبەپتەن دە بارلىق ادام «كحو» ۇلتتىق كيٸمٸمەن جٷرەدٸ.
