Foto: Oxu.Az
29 jeltoqsanda Geidar Áliev atyndaǵy halyqaralyq áýejaida Baký-Groznyi reisin oryndaǵan «Ázirbaijan áýe joldary» (AZAL) JAQ-nyń Embraer-190 jolaýshylar ushaǵynyń apatynan qaza tapqan ekipaj múshelerimen qoshtasý rásimi bastaldy, dep habarlaidy Orda.kz.
Oxu.Az habarlaǵandai, qoshtasý rásimine olardyń otbasy músheleri, sheneýnikter men qoǵam ókilderi qatysýda.
Qaza tapqan úsh ekipaj múshesi - keme komandiri Igor Kshniakin, ushqysh Aleksandr Kalianinov jáne bortserik Hekýma Alieva búgin II Qurmet alleiasynda jerlenedi.
J2-8243 Baký reisin oryndaǵan Ázirbaijan áýe joldarynyń (AZAL) Embraer 190 ushaǵynyń Aqtaý qalasynyń mańynda apatqa ushyraýynan qaza tapqan úsh ekipaj múshesi - ushqyshtar Igor Kshniakin, Aleksandr Kalianinov jáne stiýardessa Hiokýma Alievanyń máiitteri Bakýdegi Geidar Áliev atyndaǵy halyqaralyq áýejaiǵa jetkizildi.
Oxu.Az habarlaǵandai, saltanatty shara saǵat 10:00-de bastaldy. Esterińizge sala keteiik, 25 jeltoqsan kúni tańerteń Baký - Groznyi № J2-8243 reisin oryndaityn Ázirbaijan áýe joldarynyń (AZAL) Embraer 190 jolaýshylar ushaǵy Qazaqstannyń Aqtaý qalasynyń mańynda apatqa ushyraǵan bolatyn. Bortta 67 adam, onyń ishinde 5 ekipaj múshesi (37-si Ázirbaijan, 16-sy Resei, altaýy Qazaqstan jáne úsheýi Qyrǵyzstan azamaty) bolǵan.
Sońǵy málimetter boiynsha, apattan 38 adam qaza tapty, 29-y aman qaldy, olardyń arasynda eki ushqyshty qosqanda úsh ekipaj múshesi bar. 26 jeltoqsanda Ázirbaijanǵa 14 jaraly men tórt ólgen adamnyń denesi jetkizildi.
Aita keteiik, apattan keiin prezident Ilham Álievtiń tapsyrmasy boiynsha premer-ministr Áli Asadovtyń basshylyǵymen oqiǵa sebepterin anyqtaý úshin memlekettik komissiia qurylǵan bolatyn. Memleket basshysy 26 jeltoqsandy Ázirbaijanda qaraly kún dep jariialaý týraly jarlyqqa da qol qoidy.
