Baký qalasynyń ortalyǵyndaǵy Sabailskii aýdanynda kóshkin júrdi, dep habarlaidy «Ult aqparat» Trend agenttigine silteme jasap.
Ázerbaijannyń Tótenshe jaǵdailar ministrliginiń málimetinshe, keshe, 28 qańtar kúni 21:05 shamasynda «112» jedel jelisine Bakýdiń Sabailskii aýdanyndaǵy «20-shy aýmaq» dep atalatyn aimaǵyndaǵy tasjolda kóshkin júrgeni týraly aqparat túsken.
Oqiǵa ornyna jedel túrde TJM mekemeleriniń ókilderi men qutqarýshylar jiberildi. Qajetti qaýipsizdik sharalary qoldanylyp, tiisti memlekettik organdar habardar etildi.
Alǵashqy tekserý kezinde kóshkin saldarynan jaqyn mańdaǵy úilerdiń zardap shekpegeni anyqtaldy.
