«Capital Bank Kazakhstan» AQ basqarma tóraǵasy laýazymyna «Tengri Bank» AQ Basqarmasy tóraǵasynyń orynbasary-Basqarma múshesi bolǵan Baqtiiar Iliiasov taǵaiyndaldy, dep habarlady Tengri Bank baspasóz qyzmeti.
«Direktorlar keńesiniń 2017 j. 10 sáýirindegi №10 sheshimine sáikes, Baqtiiar Ábdinuruly Iliiasovtyń "Capital Bank Kazakhstan» AQ Basqarmasynyń tóraǵasy bolyp aýysýyna bailanysty, onyń «Tengri Bank» AQ Basqarma tóraǵasynyń orynbasary - Basqarma múshesi retindegi ókilettigi toqtatyldy», - delingen habarlamada.
Baqtiiar Iliiasov - Ekonomika ǵylymdarynyń kandidaty jáne qarjy salasynda 17 jyldyq jumys tájiribesi bar.
Buǵan deiin Ǵani Ózbekovtyń «Capital Bank Kazakhstan» AQ basqarma tóraǵasy qyzmetinen ketkeni habarlanǵan edi.
«Kadrlik oryn aýystyrý eki qarjy institýtynyń qosylý protsesi aiasynda, Bankterdiń qosylýy kezinde barynsha tiimdi ymyraǵa kelý jáne olardyń qurylymdyq bólimsheleriniń ózara áreket protsessin naqty qalyptastyrý maqsatynda júrgizilýde. Negizgi kúsh úzdik tájiribelerdi, tehnologiialar men biznes-protsessterdi, quzyrettilikti, sondai-aq qyzmetkerlerdi saqtaýǵa baǵyttalady, bul eki bank klientteriniń joǵary senimdilik deńgeiin saqtaidy jáne bekitilgen joǵary qyzmet kórsetý standarttary men senimdilikke nuqsan keltirmei, birigýdi júrgizýge múmkindik beredi», - delingen bank baspasóz qyzmetiniń habarlamasynda.
2016 jyldyń jeltoqsan aiynda «S&P Global Ratings» halyqaralyq reitingtik agenttigi «Tengri Bank» AQ-nyń «B+» deńgeiindegi uzaq merzimdi reitingin rastady. Bul reiting Banktiń qarjy jaǵdaiynyń turaqty ári qalypty ekenin kórsetedi.
