B.Asafevtiń ataqty «Baqshasarai burqaǵy» dramalyq baleti «Astana Opera» teatry repertýarynyń naǵyz sánine ainaldy. 14 qańtar kúni horeografiialyq poemada debiýt oryn almaq: poliak kniaz qyzy Mariianyń partiiasynda alǵash ret Úlken zal sahnasyna balettiń jas ártisi Baqytgúl Ispanova shyǵady.
Názik Mariia – syrtqy ajarymen, jan-dúnie sulýlyǵymen qaharly handy elitken hikaianyń lirikalyq keiipkeri spektakl boiy ómirdiń qiyn joldaryna tap bolady. Qoiylymnyń eń basynda - jaqyndarynyń arasynda óziniń týǵan kúnin atap ótip jatqan jas kniaz qyzy – ákesiniń qylyqtysy ári baqytty qalyńdyq. Kerei hanǵa tutqynǵa túsip, týystarynan aiyrylǵan baqytsyz Mariia únemi qorqynysh pen qaýipte ómir keshýde.
Súikimdi qyzdyń sanqyrly beinesin júzege asyryp, alǵashqy mahabbattan bastap kúiinishke deiingi sezimderdiń kúrdeli aishyqtaryn jasaý úshin oryndaýshyǵa tehnikalyq sheberlik, ártistik ári akterlik daryn qajet. Bolashaǵy jarqyn balerina Baqytgúl Ispanova osy róldiń ózindik interpretatsiiasyn ázirleýde.
Qyrymnyń qatal Kerei hany beinesinde aibyndy Jánibek Imanqulov, al qushtarlyqqa toly, qyzǵanshaq Zarema partiiasyn jas solist Anastasiia Zaklinskaia oryndaidy, Vatslav – Erkin Rahmatollaev, Nuraly – Serik Naqyspekov. Qoiýshy baletmeisterler – Qazaqstannyń eńbek sińirgen qairatkerleri Tursynbek Nurqaliev pen Ǵaliia Bóribaeva. Sýretshi-stsenograf – Etsio Fridjerio (Italiia), kostiýmder boiynsha sýretshi – «Oskar» syilyǵynyń laýreaty Franka Skýarchapino (Italiia). «Astana Opera» balet trýppasynyń kórkemdik jetekshisi – Reseidiń Halyq ártisi Altynai Asylmuratova.
Bastalýy saǵat 18.00-de.
