ب.اسافەۆتٸڭ اتاقتى «باقشاساراي بۇرقاعى» درامالىق بالەتٸ «استانا وپەرا» تەاترى رەپەرتۋارىنىڭ ناعىز سەنٸنە اينالدى. 14 قاڭتار كٷنٸ حورەوگرافييالىق پوەمادا دەبيۋت ورىن الماق: پولياك كنياز قىزى مارييانىڭ پارتيياسىندا العاش رەت ٷلكەن زال ساحناسىنا بالەتتٸڭ جاس ەرتٸسٸ باقىتگٷل يسپانوۆا شىعادى.
نەزٸك مارييا – سىرتقى اجارىمەن, جان-دٷنيە سۇلۋلىعىمەن قاھارلى حاندى ەلٸتكەن حيكايانىڭ ليريكالىق كەيٸپكەرٸ سپەكتاكل بويى ٶمٸردٸڭ قيىن جولدارىنا تاپ بولادى. قويىلىمنىڭ ەڭ باسىندا - جاقىندارىنىڭ اراسىندا ٶزٸنٸڭ تۋعان كٷنٸن اتاپ ٶتٸپ جاتقان جاس كنياز قىزى – ەكەسٸنٸڭ قىلىقتىسى ەرٸ باقىتتى قالىڭدىق. كەرەي حانعا تۇتقىنعا تٷسٸپ, تۋىستارىنان ايىرىلعان باقىتسىز مارييا ٷنەمٸ قورقىنىش پەن قاۋٸپتە ٶمٸر كەشۋدە.
سٷيكٸمدٸ قىزدىڭ سانقىرلى بەينەسٸن جٷزەگە اسىرىپ, العاشقى ماحابباتتان باستاپ كٷيٸنٸشكە دەيٸنگٸ سەزٸمدەردٸڭ كٷردەلٸ ايشىقتارىن جاساۋ ٷشٸن ورىنداۋشىعا تەحنيكالىق شەبەرلٸك, ەرتٸستٸك ەرٸ اكتەرلٸك دارىن قاجەت. بولاشاعى جارقىن بالەرينا باقىتگٷل يسپانوۆا وسى رٶلدٸڭ ٶزٸندٸك ينتەرپرەتاتسيياسىن ەزٸرلەۋدە.
قىرىمنىڭ قاتال كەرەي حانى بەينەسٸندە ايبىندى جەنٸبەك يمانقۇلوۆ, ال قۇشتارلىققا تولى, قىزعانشاق زارەما پارتيياسىن جاس سوليست اناستاسييا زاكلينسكايا ورىندايدى, ۆاتسلاۆ – ەركٸن راحماتوللاەۆ, نۇرالى – سەرٸك ناقىسپەكوۆ. قويۋشى بالەتمەيستەرلەر – قازاقستاننىڭ ەڭبەك سٸڭٸرگەن قايراتكەرلەرٸ تۇرسىنبەك نۇرقاليەۆ پەن عالييا بٶرٸباەۆا. سۋرەتشٸ-ستسەنوگراف – ەتسيو فريدجەريو (يتالييا), كوستيۋمدەر بويىنشا سۋرەتشٸ – «وسكار» سىيلىعىنىڭ لاۋرەاتى فرانكا سكۋارچاپينو (يتالييا). «استانا وپەرا» بالەت ترۋپپاسىنىڭ كٶركەمدٸك جەتەكشٸسٸ – رەسەيدٸڭ حالىق ەرتٸسٸ التىناي اسىلمۇراتوۆا.
باستالۋى ساعات 18.00-دە.
