Nur-Sultan qalasy ákiminiń orynbasary Bahtiiar Máken qaramaǵyndaǵy qyzmetkerdiń jemqorlyq áreketi úshin jazalaǵanyna qatysty túsinikteme berdi, dep habarlaidy "Ult aqparat".
«Memlekettik zań bar, iaǵni sybailas jemqorlyqpen kúres zań sheńberinde bári bekitilgen. Biz saiasi qyzmette jumys isteitindikten qyzmetimizge qatysty sheshimdi zań aiasynda joǵary turǵan basshylar qabyldaidy. Men jumystan ketý týraly ótinishimdi berdim, biraq basshylar meni jumysta qaldyrý jóninde sheshim qabyldady», - dedi B. Máken tilshilerdiń suraǵyna jaýap bere otyryp.
Sondai-aq, qala ákiminiń orynbasary sógis alǵanyn da tilge tiek etti.
«Basshylar meni jumysta qaldyrsa, demek odan ári qyzmetimdi jalǵastyra beremin. Joǵary basshylyq qandai sheshim qabyldaidy, men ony sol kúiinde qabyl alamyn. Jáne endigi ýaqytta osy sekildi qatelikterdiń oryn almaýy maqsatynda jumys isteimin», - dedi ol.
