Sybailas jemqorlyqqa qarsy qyzmet Bahtiiar Baiseiitovke izdeý jariialady, - dep habarlaidy "Ult aqparat" vedomstvonyń baspasóz qyzmetine silteme jasap.
Sybailas jemqorlyqqa qarsy qyzmet "Qarataý" JShS ("Qazatomónerkásip" UAK AQ enshiles uiymy) jáne Iri building JShS laýazymdy tulǵalaryna qatysty 2019-2021 jyldar aralyǵynda Qarataý kenishinde (Túrkistan oblysy Sozaq aýdany) qyzmet kórsetý kezinde aqsha urlaý deregi boiynsha sotaldy tergeýdi jalǵastyryp jatyr.
"Tergeý barysynda Baiseiitov Qairat Satybaldyulymen týystyq bailanysta bolýyn qoldana otyryp, baqylaýyndaǵy kompaniiany «Iri building» JShS lobbilendirip otyrǵany anyqtaldy. «Qarataý» JShS kásiporny men kvazimemlekettik sektor sýbektisimen 2019 jyly «Qarataý» kenishi boiynsha 6,2 mlrd. teńge somasyna qurylys jumystaryna shart jasasty.
Bahtiiar Baiseiitov Iri building JShS qyzmetin tikelei basqaryp, obektiniń qurylysyna túsetin qarjyny bólip otyrǵan. Bul rette jabdyqtyń bir bóligi jetkizilmei, al oǵan arnalǵan qarjy zańsyz shyǵarylyp urlanǵan. Memleketke keltirilgen zalal 320 million teńgeden asty" - delingen habarlamada.
Qazir Baiseiitov Qazaqstannan tys jerde. Onyń zańsyz áreketteri QR Qylmystyq kodeksiniń 189-babynyń 4-bóligi 2-tarmaǵy boiynsha saralanǵan jáne oǵan izdeý jariialandy. Atalǵan adamnyń ózge de qylmystar jasaýǵa qatysy bar-joǵy tekserilip jatyr.
Onyń turaqtaǵan jeri týraly aqparaty bar tulǵalardan Agenttikke kórsetilgen telefondar boiynsha habarlasý suraldy: Call Center 1424, +7 (7172) 909 260.
Aqparat bergeni úshin syiaqy qarastyrylǵan. Qupiialylyqqa kepildik beriledi!
