سىبايلاس جەمقورلىققا قارسى قىزمەت باحتييار بايسەيٸتوۆكە ٸزدەۋ جارييالادى, - دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
سىبايلاس جەمقورلىققا قارسى قىزمەت "قاراتاۋ" جشس ("قازاتومٶنەركەسٸپ" ۇاك اق ەنشٸلەس ۇيىمى) جەنە Iri building جشس لاۋازىمدى تۇلعالارىنا قاتىستى 2019-2021 جىلدار ارالىعىندا قاراتاۋ كەنٸشٸندە (تٷركٸستان وبلىسى سوزاق اۋدانى) قىزمەت كٶرسەتۋ كەزٸندە اقشا ۇرلاۋ دەرەگٸ بويىنشا سوتالدى تەرگەۋدٸ جالعاستىرىپ جاتىر.
"تەرگەۋ بارىسىندا بايسەيٸتوۆ قايرات ساتىبالدىۇلىمەن تۋىستىق بايلانىستا بولۋىن قولدانا وتىرىپ, باقىلاۋىنداعى كومپانييانى «Iri building» جشس لوببيلەندٸرٸپ وتىرعانى انىقتالدى. «قاراتاۋ» جشس كەسٸپورنى مەن كۆازيمەملەكەتتٸك سەكتور سۋبەكتٸسٸمەن 2019 جىلى «قاراتاۋ» كەنٸشٸ بويىنشا 6,2 ملرد. تەڭگە سوماسىنا قۇرىلىس جۇمىستارىنا شارت جاساستى.
باحتييار بايسەيٸتوۆ Iri building جشس قىزمەتٸن تٸكەلەي باسقارىپ, وبەكتٸنٸڭ قۇرىلىسىنا تٷسەتٸن قارجىنى بٶلٸپ وتىرعان. بۇل رەتتە جابدىقتىڭ بٸر بٶلٸگٸ جەتكٸزٸلمەي, ال وعان ارنالعان قارجى زاڭسىز شىعارىلىپ ۇرلانعان. مەملەكەتكە كەلتٸرٸلگەن زالال 320 ميلليون تەڭگەدەن استى" - دەلٸنگەن حابارلامادا.
قازٸر بايسەيٸتوۆ قازاقستاننان تىس جەردە. ونىڭ زاڭسىز ەرەكەتتەرٸ قر قىلمىستىق كودەكسٸنٸڭ 189-بابىنىڭ 4-بٶلٸگٸ 2-تارماعى بويىنشا سارالانعان جەنە وعان ٸزدەۋ جارييالاندى. اتالعان ادامنىڭ ٶزگە دە قىلمىستار جاساۋعا قاتىسى بار-جوعى تەكسەرٸلٸپ جاتىر.
ونىڭ تۇراقتاعان جەرٸ تۋرالى اقپاراتى بار تۇلعالاردان اگەنتتٸككە كٶرسەتٸلگەن تەلەفوندار بويىنشا حابارلاسۋ سۇرالدى: Call Center 1424, +7 (7172) 909 260.
اقپارات بەرگەنٸ ٷشٸن سىياقى قاراستىرىلعان. قۇپييالىلىققا كەپٸلدٸك بەرٸلەدٸ!
