3 jeltoqsanda qazaqstandyq delegatsiia Bahrein aviatsiialyq biligimen kelissóz júrgizdi, dep habarlaidy "Ult aqparat" Azamattyq aviatsiia komitetine silteme jasap.
«Memleket basshysynyń tapsyrmasymen engizilgen «ashyq aspan» rejimi aiasynda Bahrein áýe kompaniialaryna Qazaqstannyń 11 áýejaiyna (Nur-Sultan, Almaty, Shymkent, Aqtaý, Qaraǵandy, Óskemen, Pavlodar, Kókshetaý, Taraz, Petropavl, Semei) 5-shi «áýe erkindigin» paidalaný múmkindigimen reis sanyna shekteýdi alyp tastap, turaqty ushýyna múmkindik berildi. Reister sany kúndelikti jiilikke deiin kóbeigen» delingen habarlamada.
Sondai-aq, eki eldiń taǵaiyndalǵan áýe kompaniialary ushý kezinde kodtardy birlesip paidalaný týraly kommertsiialyq kelisim jasasa alady.
Qol jetkizilgen ýaǵdalastyq nátijesi boiynsha Bahrein áýe kompaniialary Qazaqstandyq áýe kompaniialarmen kodtardy birlesip paidalaný týraly kommertsiialyq kelisimder jasaýdy josparlap otyr.
