Reseilik baspasóz quraldarynyń habarlaýynsha, Resei qorǵanys ministrligi "Iskander-M" jedel-taktikalyq zymyran kesheninen atylǵan zymyran Qazaqstandaǵy Maqat poligonyndaǵy shartty nysanany joiǵany týraly aqparat taratqan, dep jazady "Azattyq".
"Joǵary qýatty" zymyran 480 shaqyrym qashyqtyqtaǵy Maqat poligonyndaǵy nysanaǵa tigen, dep habarlady 18 qyrkúiekte reseilik "Interfaks" agenttigi Resei qorǵanys ministrligine silteme jasap. "Alys qashyqtyqtaǵy" nysanaǵa zymyran "Batys-2017" strategiialyq jattyǵýlary aiasynda, Astrahan oblysyndaǵy Kapýstin Iar poligonynan ushyrylǵany aitylady.
"Batys-2017" áskeri jattyǵýlary 14 qyrkúiekte Resei men Belarýs territoriialarynda bastalǵan. Áskeri jattyǵýlarǵa júzdegen tank, artilleriialyq qarýlar, ondaǵan áskeri kemeler men tikushaqtar qatysyp jatyr.
"Batys" jattyǵýy tórt jylda bir ret ótkiziledi. Biylǵy jattyǵý Resei 2014 jyly kóktemde Ýkrainanyń Qyrym túbegin anneksiialap alǵaly beri alǵash ret ótip jatyr.
NATO uiymy "Batys-2017" jattyǵýy Reseidiń "úlken soǵysqa" daiyndalyp jatqanyn bildiredi dep sanaidy.
