رەسەيلٸك باسپاسٶز قۇرالدارىنىڭ حابارلاۋىنشا, رەسەي قورعانىس مينيسترلٸگٸ "يسكاندەر-م" جەدەل-تاكتيكالىق زىمىران كەشەنٸنەن اتىلعان زىمىران قازاقستانداعى ماقات پوليگونىنداعى شارتتى نىسانانى جويعانى تۋرالى اقپارات تاراتقان, دەپ جازادى "ازاتتىق".
"جوعارى قۋاتتى" زىمىران 480 شاقىرىم قاشىقتىقتاعى ماقات پوليگونىنداعى نىساناعا تيگەن, دەپ حابارلادى 18 قىركٷيەكتە رەسەيلٸك "ينتەرفاكس" اگەنتتٸگٸ رەسەي قورعانىس مينيسترلٸگٸنە سٸلتەمە جاساپ. "الىس قاشىقتىقتاعى" نىساناعا زىمىران "باتىس-2017" ستراتەگييالىق جاتتىعۋلارى اياسىندا, استراحان وبلىسىنداعى كاپۋستين يار پوليگونىنان ۇشىرىلعانى ايتىلادى.
"باتىس-2017" ەسكەري جاتتىعۋلارى 14 قىركٷيەكتە رەسەي مەن بەلارۋس تەرريتورييالارىندا باستالعان. ەسكەري جاتتىعۋلارعا جٷزدەگەن تانك, ارتيللەرييالىق قارۋلار, ونداعان ەسكەري كەمەلەر مەن تٸكۇشاقتار قاتىسىپ جاتىر.
"باتىس" جاتتىعۋى تٶرت جىلدا بٸر رەت ٶتكٸزٸلەدٸ. بيىلعى جاتتىعۋ رەسەي 2014 جىلى كٶكتەمدە ۋكراينانىڭ قىرىم تٷبەگٸن اننەكسييالاپ العالى بەرٸ العاش رەت ٶتٸپ جاتىر.
ناتو ۇيىمى "باتىس-2017" جاتتىعۋى رەسەيدٸڭ "ٷلكەن سوعىسقا" دايىندالىپ جاتقانىن بٸلدٸرەدٸ دەپ سانايدى.
