Resei Sankt-Peterbýrg qalasynyń tóńiregindegi zenit zymyrandary men áýe qorǵanysy júielerin Ýkrainaǵa aparyp jatyr. Muny jeksenbide Finliandiianyń Yle basylymy jazdy. Basylym bul málimetin spýtnikten túsirilgen sýrettermen rastai túsken, dep habarlaidy Azattyq.
Peterbýrg pen Ýkraina shekarasynyń aralyǵy myń shaqyrymnan asady.
Yle jazýyna qaraǵanda, Sankt-Peterbýrgti kóp jyldan beri áýe qorǵanysy júiesiniń 14 bazasy qorǵap turǵan. Basylym bul tóńirekti Reseidiń óte myqty qorǵanys shepteriniń biri dep sanaidy. Qazir olardyń keibiri bosap qalǵan. Al dál irgesindegi Finliandiia Resei jaý sanaityn NATO-ǵa kirip jatyr.
Basylymnyń jazýynsha, Sankt-Peterbýrg túbindegi zymyrandar jaz kezinde-aq joq bola bastaǵan. Spýtnik málimetterine qaraǵanda, áýe qorǵanysy júiesi keiingi kezde tórt áskeri bazadan joǵalǵan. Áskeri sarapshy Marko Eklýnd "Sankt-Peterbýrg qorǵanysy álsirep qaldy dep esepteýge bolmaidy, óitkeni negizinen eski S-300 zymyran kesheni áketilip, S-400 keshenderi oryndarynda qaldy" dep sanaidy.
Eklýnd sózine qaraǵanda, buǵan deiin Reesi ózge de aimaqtarynan S-300 keshenderin Ýkrainaǵa jetkizip jatqany baiqalǵan.
Ýkraina áskeri Resei S-300 zymyrandaryn tek áskeri áýe qorǵanysy úshin ǵana emes, jerdegi nysandardy atý úshin de qoldanyp jatyr dep esepteidi.
