رەسەي سانكت-پەتەربۋرگ قالاسىنىڭ تٶڭٸرەگٸندەگٸ زەنيت زىمىراندارى مەن ەۋە قورعانىسى جٷيەلەرٸن ۋكرايناعا اپارىپ جاتىر. مۇنى جەكسەنبٸدە فينلياندييانىڭ Yle باسىلىمى جازدى. باسىلىم بۇل مەلٸمەتٸن سپۋتنيكتەن تٷسٸرٸلگەن سۋرەتتەرمەن راستاي تٷسكەن, دەپ حابارلايدى ازاتتىق.
پەتەربۋرگ پەن ۋكراينا شەكاراسىنىڭ ارالىعى مىڭ شاقىرىمنان اسادى.
Yle جازۋىنا قاراعاندا, سانكت-پەتەربۋرگتٸ كٶپ جىلدان بەرٸ ەۋە قورعانىسى جٷيەسٸنٸڭ 14 بازاسى قورعاپ تۇرعان. باسىلىم بۇل تٶڭٸرەكتٸ رەسەيدٸڭ ٶتە مىقتى قورعانىس شەپتەرٸنٸڭ بٸرٸ دەپ سانايدى. قازٸر ولاردىڭ كەيبٸرٸ بوساپ قالعان. ال دەل ٸرگەسٸندەگٸ فينلياندييا رەسەي جاۋ سانايتىن ناتو-عا كٸرٸپ جاتىر.
باسىلىمنىڭ جازۋىنشا, سانكت-پەتەربۋرگ تٷبٸندەگٸ زىمىراندار جاز كەزٸندە-اق جوق بولا باستاعان. سپۋتنيك مەلٸمەتتەرٸنە قاراعاندا, ەۋە قورعانىسى جٷيەسٸ كەيٸنگٸ كەزدە تٶرت ەسكەري بازادان جوعالعان. ەسكەري ساراپشى ماركو ەكلۋند "سانكت-پەتەربۋرگ قورعانىسى ەلسٸرەپ قالدى دەپ ەسەپتەۋگە بولمايدى, ٶيتكەنٸ نەگٸزٸنەن ەسكٸ س-300 زىمىران كەشەنٸ ەكەتٸلٸپ, س-400 كەشەندەرٸ ورىندارىندا قالدى" دەپ سانايدى.
ەكلۋند سٶزٸنە قاراعاندا, بۇعان دەيٸن رەەسي ٶزگە دە ايماقتارىنان س-300 كەشەندەرٸن ۋكرايناعا جەتكٸزٸپ جاتقانى بايقالعان.
ۋكراينا ەسكەرٸ رەسەي س-300 زىمىراندارىن تەك ەسكەري ەۋە قورعانىسى ٷشٸن عانا ەمەس, جەردەگٸ نىسانداردى اتۋ ٷشٸن دە قولدانىپ جاتىر دەپ ەسەپتەيدٸ.
