Reseidiń Astrahan oblysyndaǵy Kapýstin Iar poligonynan atylǵan "Iskander-M" zymyrany. 18 sáýir 2016 jyl (Kórneki sýret)
Amerikalyq BAQ Reseidiń óz territoriiasynda qupiia túrde jańa qanatty zymyran ornalastyryp, qarýlanýdy baqylaý jónindegi kelisimdi buzǵanyn habarlady. Associated Press (AP) agenttigi men New York Times (NYT) gazeti Reseidiń óz territoriiasyna qurlyqtan ushyrylyp basqarylatyn qanatty zymyran ornatqanyn, munyń 1987 jyly jasalǵan orta jáne qysqa qashyqtyqqa ushatyn zymyrandardy joiý týraly kelisimge qaishy ekenin habarlady.
NYT Reseide mundai zymyrandardyń eki batalony baryn jáne onyń ótken jyldan beri qorǵanys sapynda turǵan bolýy múmkin ekenin jazady. AQSh-tyń burynǵy prezidenti Barak Obama ákimshiligi Reseidi zymyran synaýyna bailanysty atalǵan kelisimdi buzdy dep aiyptaǵan. Kelisim boiynsha, 500-5500 kilometr aralyǵyndaǵy radiýsta áreket etetin ballistikalyq zymyrandarǵa tyiym salynǵan.
Buǵan deiin Resei prezidenti Vladimir Pýtin kelisimdi AQSh buzyp otyr dep, zymyran baǵdarlamasyn qorǵashtai málimdeme jasaǵan. Pýtin jańa zymyran kúsh tepe-teńdigin saqtaý úshin qajet degen.
AQSh qorǵanys ministri Djeims Mettis búgin Briýsslge NATO jiynyna barǵanda kelisimniń buzylý máselesin kóterýi múmkin.
Zymyran ornatý AQSh kongresinde alańdaýshylyq týdyrdy. Senattyń qorǵanys isteri jónindegi komitetiniń tóraǵasy Djon Makkein zymyran ornatýdy "AQSh-tyń Eýropadaǵy kúshi men NATO-daǵy odaqtastary úshin úlken áskeri qaýip" dep atady. Makkein Pýtin zymyran ornatý arqyly AQSh prezidenti Donald Trampty "synap kórgisi" kelgenin kórsetedi deidi.
