رەسەيدٸڭ استراحان وبلىسىنداعى كاپۋستين يار پوليگونىنان اتىلعان "يسكاندەر-م" زىمىرانى. 18 سەۋٸر 2016 جىل (كٶرنەكٸ سۋرەت)
امەريكالىق باق رەسەيدٸڭ ٶز تەرريتوريياسىندا قۇپييا تٷردە جاڭا قاناتتى زىمىران ورنالاستىرىپ, قارۋلانۋدى باقىلاۋ جٶنٸندەگٸ كەلٸسٸمدٸ بۇزعانىن حابارلادى. Associated Press (AP) اگەنتتٸگٸ مەن New York Times (NYT) گازەتٸ رەسەيدٸڭ ٶز تەرريتوريياسىنا قۇرلىقتان ۇشىرىلىپ باسقارىلاتىن قاناتتى زىمىران ورناتقانىن, مۇنىڭ 1987 جىلى جاسالعان ورتا جەنە قىسقا قاشىقتىققا ۇشاتىن زىمىرانداردى جويۋ تۋرالى كەلٸسٸمگە قايشى ەكەنٸن حابارلادى.
NYT رەسەيدە مۇنداي زىمىرانداردىڭ ەكٸ باتالونى بارىن جەنە ونىڭ ٶتكەن جىلدان بەرٸ قورعانىس ساپىندا تۇرعان بولۋى مٷمكٸن ەكەنٸن جازادى. اقش-تىڭ بۇرىنعى پرەزيدەنتٸ باراك وباما ەكٸمشٸلٸگٸ رەسەيدٸ زىمىران سىناۋىنا بايلانىستى اتالعان كەلٸسٸمدٸ بۇزدى دەپ ايىپتاعان. كەلٸسٸم بويىنشا, 500-5500 كيلومەتر ارالىعىنداعى راديۋستا ەرەكەت ەتەتٸن بالليستيكالىق زىمىراندارعا تىيىم سالىنعان.
بۇعان دەيٸن رەسەي پرەزيدەنتٸ ۆلاديمير پۋتين كەلٸسٸمدٸ اقش بۇزىپ وتىر دەپ, زىمىران باعدارلاماسىن قورعاشتاي مەلٸمدەمە جاساعان. پۋتين جاڭا زىمىران كٷش تەپە-تەڭدٸگٸن ساقتاۋ ٷشٸن قاجەت دەگەن.
اقش قورعانىس مينيسترٸ دجەيمس مەتتيس بٷگٸن بريۋسسلگە ناتو جيىنىنا بارعاندا كەلٸسٸمنٸڭ بۇزىلۋ مەسەلەسٸن كٶتەرۋٸ مٷمكٸن.
زىمىران ورناتۋ اقش كونگرەسٸندە الاڭداۋشىلىق تۋدىردى. سەناتتىڭ قورعانىس ٸستەرٸ جٶنٸندەگٸ كوميتەتٸنٸڭ تٶراعاسى دجون ماككەين زىمىران ورناتۋدى "اقش-تىڭ ەۋروپاداعى كٷشٸ مەن ناتو-داعى وداقتاستارى ٷشٸن ٷلكەن ەسكەري قاۋٸپ" دەپ اتادى. ماككەين پۋتين زىمىران ورناتۋ ارقىلى اقش پرەزيدەنتٸ دونالد ترامپتى "سىناپ كٶرگٸسٸ" كەلگەنٸن كٶرسەتەدٸ دەيدٸ.
