Resei prezidenti Vladimir Pýtin Helsinkidegi kezdesý kezinde AQSh prezidenti Donald Trampqa ózin-ózi jariialap alǵan Donetsk pen Lýgansk halyq respýblikasynda referendým ótkizdi usynǵan. Muny Pýtin syrtqy ister ministrliginde diplomattarmen kezdesý kezinde aitqan. Bul týraly sol jinalysqa qatysqan eki diplomatqa silteme jasap, Bloomberg habarlady.
Agent derekkóziniń aitýynsha, Pýtin Tramptan bul týraly baspasóz konferentsiiasy kezinde aitpaýyn, aldymen ózi oilanyp kórýin suraǵan.
Bloomberg aqparatynsha, Pýtin halyqaralyq qaýymdastyq uiymdastyrýymen Donbass statýsy týraly referendým ótkizýdi usynǵan. Amerikadaǵy Aq úi yqtimal usynys jaily áli pikir aitqan joq. Resei prezidentiniń baspasóz hatshysy Dmitrii Peskov usynysqa qatysty "áli qarastyrylatyn jańa ideialar talqylandy" dep jaýap bergen.
18 qańtarda Ýkrainanyń Joǵarǵy Radasy Donbassty qaita biriktirý týraly zań jobasyn qabyldaǵan. Zańda Resei "agressor men okkýpant" retinde sipattalady da, qujattyń bas maqsaty retinde Ýkrainanyń tutastyǵyn qalpyna keltirý men basyp alynǵan jerlerdi qaitarý dep kórsetiledi.
Donbasstaǵy konflikt 2014 jyldan beri jalǵasyp keledi. Sodan beri 10 myńnan astam adam qaza tapqan. Olardyń ishindegi úsh myńy – beibit turǵyn. Kiev pen Batys elderi Kremldi "speratisterdi qarýmen qoldap otyr" dep aiyptaidy. Resei muny joqqa shyǵarady.
