رەسەي پرەزيدەنتٸ ۆلاديمير پۋتين حەلسينكيدەگٸ كەزدەسۋ كەزٸندە اقش پرەزيدەنتٸ دونالد ترامپقا ٶزٸن-ٶزٸ جارييالاپ العان دونەتسك پەن لۋگانسك حالىق رەسپۋبليكاسىندا رەفەرەندۋم ٶتكٸزدٸ ۇسىنعان. مۇنى پۋتين سىرتقى ٸستەر مينيسترلٸگٸندە ديپلوماتتارمەن كەزدەسۋ كەزٸندە ايتقان. بۇل تۋرالى سول جينالىسقا قاتىسقان ەكٸ ديپلوماتقا سٸلتەمە جاساپ, Bloوmberg حابارلادى.
اگەنت دەرەككٶزٸنٸڭ ايتۋىنشا, پۋتين ترامپتان بۇل تۋرالى باسپاسٶز كونفەرەنتسيياسى كەزٸندە ايتپاۋىن, الدىمەن ٶزٸ ويلانىپ كٶرۋٸن سۇراعان.
Bloوmberg اقپاراتىنشا, پۋتين حالىقارالىق قاۋىمداستىق ۇيىمداستىرۋىمەن دونباسس ستاتۋسى تۋرالى رەفەرەندۋم ٶتكٸزۋدٸ ۇسىنعان. امەريكاداعى اق ٷي ىقتيمال ۇسىنىس جايلى ەلٸ پٸكٸر ايتقان جوق. رەسەي پرەزيدەنتٸنٸڭ باسپاسٶز حاتشىسى دميتريي پەسكوۆ ۇسىنىسقا قاتىستى "ەلٸ قاراستىرىلاتىن جاڭا يدەيالار تالقىلاندى" دەپ جاۋاپ بەرگەن.
18 قاڭتاردا ۋكراينانىڭ جوعارعى راداسى دونباسستى قايتا بٸرٸكتٸرۋ تۋرالى زاڭ جوباسىن قابىلداعان. زاڭدا رەسەي "اگرەسسور مەن وككۋپانت" رەتٸندە سيپاتتالادى دا, قۇجاتتىڭ باس ماقساتى رەتٸندە ۋكراينانىڭ تۇتاستىعىن قالپىنا كەلتٸرۋ مەن باسىپ الىنعان جەرلەردٸ قايتارۋ دەپ كٶرسەتٸلەدٸ.
دونباسستاعى كونفليكت 2014 جىلدان بەرٸ جالعاسىپ كەلەدٸ. سودان بەرٸ 10 مىڭنان استام ادام قازا تاپقان. ولاردىڭ ٸشٸندەگٸ ٷش مىڭى – بەيبٸت تۇرعىن. كيەۆ پەن باتىس ەلدەرٸ كرەملدٸ "سپەراتيستەردٸ قارۋمەن قولداپ وتىر" دەپ ايىپتايدى. رەسەي مۇنى جوققا شىعارادى.
