Aýǵanstanda júrgen amerikalyq áskeri.
AQSh Aýǵanstannan shyǵarylǵan áskerileri men tehnikalaryn Ortalyq Aziia men Taiaý Shyǵysqa ornalastyrýdy josparlaidy. Bul týraly amerikalyq áskeri sheneýnikke silteme jasaǵan The Wall Street Journal basylymy habarlady, dep jazady Azattyq.
Amerikalyq áskerilerdiń paiymdaýynsha, soldattardy, drondardy, artilleriiany, bombalaý quraldaryn basqa aimaqqa aýystyrý jáne aimaqta áskeri baza qurý Aýǵanstandaǵy basqynshylyq áreketterdi aldyn alýǵa, tálipterdiń áreketin baqylaýǵa múmkindik beredi.
Amerikalyq áskeriler Aýǵanstanda "Ál-Kaida", "Islam memleketi" jáne basqa toptardyń paida bolýy AQSh pen onyń odaqtastarynyń múddelerine qaýip tóndiredi dep sanaidy.
Baiden ákimshiligindegi sheneýnikter AQSh áskeri men áskeri tehnikalaryn Aýǵanstanmen shekaralas Ózbekstan men Tájikstanǵa ornalastyrýdy jón kóredi.
The Wall Street Journal basylymy "amerikalyq shendiler aimaqtaǵy Reseidiń áskeriniń bolýy jáne Qytaidyń Ortalyq Aziiaǵa yqpalynyń artýy AQSh-tyń áskeri bazasyn qurýyn qiyndatatynyn túsinedi" dep jazady.
Gazettiń habarlaýynsha, Vashington áskeri baza qurý úshin Ortalyq Aziia elderine áli ótinish jibermegen. Pentagon qazir bul týraly oilanyp jatyr. Sheshim qabyldaýǵa Memlekettik departament pen Aq úi de aralaspaq.
AQSh "Taliban" qozǵalysymen kelisimnen soń Aýǵanstannan áskerin ákete bastady. Vashington qyrkúiekke deiin bul eldeg barlyq áskerilerin shyǵarýy tiis.
