اۋعانستاندا جٷرگەن امەريكالىق ەسكەري.
اقش اۋعانستاننان شىعارىلعان ەسكەريلەرٸ مەن تەحنيكالارىن ورتالىق ازييا مەن تاياۋ شىعىسقا ورنالاستىرۋدى جوسپارلايدى. بۇل تۋرالى امەريكالىق ەسكەري شەنەۋنٸككە سٸلتەمە جاساعان The Wall Street Journal باسىلىمى حابارلادى, دەپ جازادى ازاتتىق.
امەريكالىق ەسكەريلەردٸڭ پايىمداۋىنشا, سولداتتاردى, درونداردى, ارتيللەرييانى, بومبالاۋ قۇرالدارىن باسقا ايماققا اۋىستىرۋ جەنە ايماقتا ەسكەري بازا قۇرۋ اۋعانستانداعى باسقىنشىلىق ەرەكەتتەردٸ الدىن الۋعا, تەلٸپتەردٸڭ ەرەكەتٸن باقىلاۋعا مٷمكٸندٸك بەرەدٸ.
امەريكالىق ەسكەريلەر اۋعانستاندا "ەل-كايدا", "يسلام مەملەكەتٸ" جەنە باسقا توپتاردىڭ پايدا بولۋى اقش پەن ونىڭ وداقتاستارىنىڭ مٷددەلەرٸنە قاۋٸپ تٶندٸرەدٸ دەپ سانايدى.
بايدەن ەكٸمشٸلٸگٸندەگٸ شەنەۋنٸكتەر اقش ەسكەرٸ مەن ەسكەري تەحنيكالارىن اۋعانستانمەن شەكارالاس ٶزبەكستان مەن تەجٸكستانعا ورنالاستىرۋدى جٶن كٶرەدٸ.
The Wall Street Journal باسىلىمى "امەريكالىق شەندٸلەر ايماقتاعى رەسەيدٸڭ ەسكەرٸنٸڭ بولۋى جەنە قىتايدىڭ ورتالىق ازيياعا ىقپالىنىڭ ارتۋى اقش-تىڭ ەسكەري بازاسىن قۇرۋىن قيىنداتاتىنىن تٷسٸنەدٸ" دەپ جازادى.
گازەتتٸڭ حابارلاۋىنشا, ۆاشينگتون ەسكەري بازا قۇرۋ ٷشٸن ورتالىق ازييا ەلدەرٸنە ەلٸ ٶتٸنٸش جٸبەرمەگەن. پەنتاگون قازٸر بۇل تۋرالى ويلانىپ جاتىر. شەشٸم قابىلداۋعا مەملەكەتتٸك دەپارتامەنت پەن اق ٷي دە ارالاسپاق.
اقش "تاليبان" قوزعالىسىمەن كەلٸسٸمنەن سوڭ اۋعانستاننان ەسكەرٸن ەكەتە باستادى. ۆاشينگتون قىركٷيەككە دەيٸن بۇل ەلدەگ بارلىق ەسكەريلەرٸن شىعارۋى تيٸس.
