Baiqońyr qalasynyń turǵyny ákesinen 21 jasqa deiin aliment óndirýdi talap etip, sotqa júgindi, dep habarlaidy ult.kz.
Qyz sotqa bergen talap aryzynda jaýapker J.-nyń óz ákesi ekenin kórsetken. Qazirgi ýaqytta ol kúndizgi bólimde bilim alyp jatqandyqtan, materialdyq kómekke muqtaj ekenin aitqan.
Osyǵan bailanysty ákesimen aliment tóleý týraly kelisim bolmaǵanyn alǵa tartyp, ai saiyn 25 AEK (108 125 teńge) mólsherinde aliment óndirýdi jáne ony 21 jasqa tolǵanǵa deiin tóleýdi suraǵan.
Isti qaraý barysynda Baiqońyr qalalyq soty taraptarǵa daýdy tatýlasý rásimderi arqyly sheshý múmkindigin túsindirgen.
Nátijesinde ákesi men qyzy daýdy partisipativtik tártippen retteýge kelisken.
Kelisim sharttaryna sáikes, jaýapker qyzy 21 jasqa tolǵanǵa deiin oǵan kelisimde kórsetilgen mólsherde ai saiyn aliment tólep turýǵa mindettelgen.
Sot bul kelisimdi bekitip, is boiynsha óndiristi toqtatty.
Aita keteiik, buǵan deiin Qaraǵandy oblysynda kámeletke tolǵan boijetken de ákesin sotqa berip, ýniversitette oqý kezeńine aliment tóleýdi talap etken.
