Aman Tasyǵanǵa bergen suhbatynda Baian Alagózova qyzy Aiarýdyń bolashaq jaryna qoiatyn talaptaryn aitty, dep habarlaidy ult.kz.
Prodiýserdiń sózinshe, qyzynyń tańdaǵan azamaty aǵylshyn tilinde erkin sóilei alatyn, bilimdi ári ádebietten habary bar jan bolýy kerek. Atap aitqanda, Tolstoi men Dostoevskiidiń shyǵarmalaryn oqyǵany mańyzdy.
«Aiarý kem degende aǵylshyn tilin bilmeitin adammen sóilespeidi. Ondai jigitpen aralaspaidy. Kem degende. Onyń talaby sondai», - dedi Baian Alagózova.
Baian Alagózova kim?
Baian Alagózova — qazaqstandyq prodiýser, aktrisa ári mediada belsendi tulǵa. Ol shoý-biznes salasyndaǵy jobalarymen tanylyp, birneshe filmniń prodiýseri retinde kórermenge belgili boldy.
Aiarý Baqytbek – Baian Alagózovanyń Baqytbek Esentaevpen alǵashqy nekesinen týǵan ekinshi qyzy. Ol 2003 jyly dúniege kelgen. 2024 jyly AQSh-taǵy Kaliforniia memlekettik ýniversitetin támamdap, joǵary bilim týraly diplom alǵan.
Baian Alagózova qyzynyń bilimge degen talǵamyn buǵan deiin de áleýmettik jelidegi jazbalarynda kórsetip júrgen. 2025 jyly ol Aiarýdyń diplomyn jariialap, qyzyn maqtan tutatynyn jazǵan.
