Memlekettik qupiiany jariia etkeni úshin sottalǵan Qazaqstan Grezidenti ákimshiligi jetekshisiniń burynǵy orynbasary Baǵlan Mailybaevtyń qonys koloniiasyna aýystyrý týraly ótinishi qanaǵattandyrylmaǵan. Bul týraly Astana qalalyq sotynyń baspasóz qyzmeti habarlady, dep jazady Azattyq.
"20 aqpanda Astana qalasynyń Baiqońyr aýdandyq №2 sotynyń qaýlysymen sottalǵan Baǵlan Mailybaevtyń qaýipsizdigi ortasha túzetý mekemesinen qaýipsizdigi eń tómen túzetý mekemesine (qonys koloniiasyna) aýystyrý týraly ótinishi qanaǵattandyrylmady, - dedi Astana sotynyń baspasóz qyzmeti.
Aqparatqa qarǵanda, qaýly áli zańdy kúshine engen joq. Mailybaevtyń ózi ia onyń advokaty 15 táýlik ishinde qaýlyny qaita qaraýdy suraýyna quqyly.
Astana qalalyq soty Grezident ákimshiliginiń burynǵy joǵary shendi qyzmetkeri Baǵlan Mailybaevty 2017 jyly bes jylǵa bas bostandyǵynan aiyrýǵa úkim etken.
«Qyzmet babyn teris maqsatta paidalandy» jáne «memlekettik qupiialardy zańsyz jinap, taratyp, jariia etti» dep aiyptalǵan Baǵlan Mailybaev, qylmys jasaǵanyn moiyndap, protsessýaldyq kelisim jasasqan.
Sot Mailybaevqa dúnie-múlkin tárkilep, memlekettik organdarda laýazymdy qyzmet atqarý quqyǵynan ómir boiyna aiyrýǵa úkim etken.
