Prezident Ákimshiligi basshysynyń orynbasary Baǵlan Mailybaev tutqyndalypty.
Bul týraly Astanadaǵy senimdi derekkózderge silteme jasap TsentrAziia portaly habarlap otyr.
Atalǵan aqparat ázir resmi rastalǵan joq.
Maqalada «TsentrAziia» Mailybaevtyń qamaýǵa alynýynyń birneshe sebebin atap kórsetken. Alǵashqysy aqsha urlaý. Mailybaev saiasi jáne tarihi zertteýlerge dep bólingen 1,3 mlrd. teńgeni jep qoiǵan. Taǵy bir sebep eks-ministr Qýandyq Bishimbaevtyń isimen bailanysty. Bishimbaev «Báiterek» holdingindegi qarjy qymqyrý daýyna bailanysty tutqyndalǵan-tuǵyn.
Al Nazarbaev Baǵlan Mailybaevty Prezident Ákimshiligi basshysynyń orynbasary qyzmetinen kúni keshe ǵana bosatqan edi.
Baǵlan Asaýbaiuly Mailybaev 1975 jyly 20 mamyrda Jambyl oblysynda dúniege kelgen. 1996 jyly ál-Farabi atyndaǵy Qazaq Memlekettik Ulttyq Ýniversitetin jýrnalist mamandyǵy boiynsha bitirgen. 1998 jyly Resei Federatsiiasy Prezidentiniń janyndaǵy Resei memlekettik qyzmet Akademiiasynyń saiasattaný jáne saiasi basqarý kafedrasynyń aspirantýrasyn bitirgen. Memleket qairatkeri, zań ǵylymynyń doktory.
1998 jyldan 2002 jylǵa deiin – Qazaqstan Respýblikasy Ulttyq Ǵylym Akademiiasynyń Memleket jáne quqyq institýtynyń aǵa ǵylymi qyzmetkeri, Abylai han atyndaǵy Qazaq memlekettik halyqaralyq qatynastar jáne álem tilderi ýniversitetiniń oqytýshysy. 2002 jyldyń aqpan aiynan mamyr aiyna deiin – Mádeniet, aqparat jáne qoǵamdyq kelisim ministrligi BAQ departamentiniń direktory. 2002 jyldyń mamyr aiynan 2003 jyldyń qyrkúiek aiyna deiin «Kazahstanskaia pravda» Respýblikalyq gazeti» ashyq aktsionerlik qoǵamynyń prezidenti. 2003 jyldyń qyrkúiek aiynan 2004 jyldyń jeltoqsan aiyna deiin «Zań» aktsionerlik kompaniiasynyń prezidenti.
2004 jyldyń jeltoqsan aiynan Qazaqstan Respýblikasy Prezidenti Baspasóz qyzmetiniń jetekshisi. 2008 jyldyń qazan aiynan QR Mádeniet jáne aqparat ministrligi Aqparat jáne muraǵat komitetiniń tóraǵasy. 2008 jyldyń jeltoqsan aiynan QR Mádeniet jáne aqparat vitse-ministri. 2009 jyldyń maýsym aiynan 2011 jyldyń qazan aiynda deiin Qazaqstan Respýblikasy Prezidentiniń Baspasóz hatshysy. 2011 jyldyń qazan aiynda Memleket basshysynyń Jarlyǵymen Qazaqstan Respýblikasy Prezidenti Ákimshiligi Basshysynyń orynbasary bolyp taǵaiyndaldy.
«Qurmet», «Parasat» ordenderimen, medaldarmen, Qazaqstan Respýblikasy Prezidentiniń Alǵys gramotasymen marapattalǵan, QR UǴA jas ǵalymdar syilyǵynyń laýreaty.
Qazaqstandyq jáne sheteldik basylymdarda jariialanǵan 4 ǵylymi monografiianyń, 150 den astam ǵylymi jáne pýblitsistikalyq maqalanyń, sonymen qatar birqatar kórkem áńgimelerdiń avtory. Kóptegen televiziialyq jobalardyń, derekti filmderdiń jetekshisi, stsenariileriniń avtory.
