Baǵdat Mýsin Prezidenttiń tsifrlandyrý jáne innovatsiialyq tehnologiialar jónindegi keńesshisi qyzmetinen bosatyldy, dep habarlaidy Aqorda.
"Memleket basshysynyń ókimimen Baǵdat Batyrbekuly Mýsin basqa jumysqa aýysýyna bailanysty Qazaqstan Respýblikasy Prezidentiniń tsifrlandyrý jáne innovatsiialyq tehnologiialar jónindegi keńesshisi qyzmetinen bosatyldy", - delingen ókimde.
Mýsin bul qyzmetke osy jyldyń naýryzynda taǵaiyndalǵan edi.
Buǵan deiin Memleket basshysy ekonomikalyq máseleler boiynsha shtattan tys keńesshisi Oljas Qudaibergenovty qyzmetinen bosatty.
Mýsin 1983 jyly Pavlodar oblysynda dúniege keldi.
Súleimen Demirel atyndaǵy ýniversitetti jáne Qazaq quqyqtaný jáne halyqaralyq qatynastar institýtyn bitirgen.
2011-2012 jyldary QR BAM Memlekettik qyzmetterdi avtomattandyrýdy baqylaý jáne HQO qyzmetin úilestirý komiteti tóraǵasynyń orynbasary boldy.
2012 jyldan bastap Kólik jáne kommýnikatsiia ministrliginiń memlekettik qyzmetterdi avtomattandyrýdy baqylaý jáne HQO qyzmetin úilestirý komiteti tóraǵasynyń laýazymyn atqardy.
2014 jyldyń sáýirinde "Ulttyq aqparattyq tehnologiialar" AQ basqarma tóraǵasy bolyp taǵaiyndaldy.
Baǵdat Mýsin bas prokýratýranyń quqyqtyq statistika jáne arnaýly esepke alý jónindegi komitetine 2017 jyldyń qańtarynan tóraǵalyq etti. Oǵan deiin úsh jyl "Qazposhta" AQ basqarma tóraǵasy boldy.
2020 jyldyń naýryzynan búginge deiin prezidenttiń tsifrlandyrý jáne innovatsiialyq tehnologiialar jónindegi keńesshisi qyzmetin atqardy.
Qazaq, orys, aǵylshyn jáne túrik tilin meńgergen.
