Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin taiaýda mobildi internet júrgizilgen, Nur-Sultannan 250 shaqyrym qashyqtaǵy aýylda bolyp qaitty, dep habarlaidy "Ult aqparat".
«250 shaqty adam turatyn aýyldarǵa internet jetkizý baǵdarlamasy boiynsha júrgizilgen jumysty óz kózimmen kórip qaitaiyn dep, biylǵy jyldaǵy sońǵy issaparymdy Nur-Sultannan 250 shaqyrymdaǵy Birsýat atty aýylynda ótkizdim. Bul aýylda 400-den astam adam turady, mektep te bar. Uialy internet osy jyly paida bolyp, endi aýyl turǵyndary 4G arqyly jan-jaqtaǵy aǵaiyn-týystaryn videobailanyspen quttyqtai alatynyna rizamyn.
Bailanys. Bar arqyly internet sapasyn ólshep edim, 40 Mbps jyldamdyǵymen ushyp tur eken», - dep jazdy Baǵdat Mýsin Instagram-daǵy paraqshasynda.
Ministr osyndai jyldamdyqty búkil jerde júrgizý úshin bailanys operatorlarymen birge áli talai jumys júrgizetinin jetkizdi.
«Biraq nátijelerimiz árine kórinip tur. Pandemiia men aiazǵa qaramastan jumysty jalǵastyryp jatqan barlyq qurylysshylarǵa jáne injenerlerge alǵys aitamyn!», - dedi Baǵdat Mýsin.
