تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين تاياۋدا موبيلدٸ ينتەرنەت جٷرگٸزٸلگەن, نۇر-سۇلتاننان 250 شاقىرىم قاشىقتاعى اۋىلدا بولىپ قايتتى, دەپ حابارلايدى "ۇلت اقپارات".
«250 شاقتى ادام تۇراتىن اۋىلدارعا ينتەرنەت جەتكٸزۋ باعدارلاماسى بويىنشا جٷرگٸزٸلگەن جۇمىستى ٶز كٶزٸممەن كٶرٸپ قايتايىن دەپ, بيىلعى جىلداعى سوڭعى ٸسساپارىمدى نۇر-سۇلتاننان 250 شاقىرىمداعى بٸرسۋات اتتى اۋىلىندا ٶتكٸزدٸم. بۇل اۋىلدا 400-دەن استام ادام تۇرادى, مەكتەپ تە بار. ۇيالى ينتەرنەت وسى جىلى پايدا بولىپ, ەندٸ اۋىل تۇرعىندارى 4G ارقىلى جان-جاقتاعى اعايىن-تۋىستارىن ۆيدەوبايلانىسپەن قۇتتىقتاي الاتىنىنا ريزامىن.
Bailanys. Bar ارقىلى ينتەرنەت ساپاسىن ٶلشەپ ەدٸم, 40 Mbps جىلدامدىعىمەن ۇشىپ تۇر ەكەن», - دەپ جازدى باعدات مۋسين Instagram-داعى پاراقشاسىندا.
مينيستر وسىنداي جىلدامدىقتى بٷكٸل جەردە جٷرگٸزۋ ٷشٸن بايلانىس وپەراتورلارىمەن بٸرگە ەلٸ تالاي جۇمىس جٷرگٸزەتٸنٸن جەتكٸزدٸ.
«بٸراق نەتيجەلەرٸمٸز ەرينە كٶرٸنٸپ تۇر. پاندەمييا مەن ايازعا قاراماستان جۇمىستى جالعاستىرىپ جاتقان بارلىق قۇرىلىسشىلارعا جەنە ينجەنەرلەرگە العىس ايتامىن!», - دەدٸ باعدات مۋسين.
