Baǵdat Mýsin QR Tsifrlyq damý, innovatsiialar jáne aeroǵarysh ónerkásibi ministri qyzmetine taǵaiyndaldy, dep habarlaidy "Ult aqparat" Aqordanyń baspasóz qyzmetine silteme jasap.
«Baǵdat Batyrbekuly Mýsin Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministri bolyp taǵaiyndalsyn», delingen Prezident Jarlyǵynda.
Mýsin Baǵdat Batyrbekuly 1983 jyly 3 naýryzda Pavlodar oblysynyń Ekibastuz qalasynda týǵan. Súleimen Demirel atyndaǵy ýniversitetti «injener-júie tehnigi» mamandyǵy boiynsha, Qazaq quqyqtaný jáne halyqaralyq qatynastar institýtyn «zańger» mamandyǵy boiynsha bitirgen.
Eńbek jolyn injener-baǵdarlamashy bolyp bastady, Ádilet ministrliginiń «Respýblikalyq quqyqtyq aqparat ortalyǵy» RMK AJ súiemeldeý bóliminiń bastyǵy, QR Ádilet ministrliginiń Ekonomika jáne qarjy departamenti Aqparattyq tehnologiialar basqarmasynyń bastyǵy bolyp jumys istedi, QR Bailanys jáne aqparat ministrliginiń qurylymynda basshylyq qyzmetterdi atqardy, «Ulttyq aqparattyq tehnologiialar» AQ, «Qazposhta» AQ, QR Bas prokýratýrasynyń Quqyqtyq statistika jáne arnaiy esepke alý komitetin basqardy.
Biyl naýryz aiynda QR Prezidentiniń tsifrlandyrý jáne innovatsiialyq tehnologiialar jónindegi keńesshisi bolyp taǵaiyndalǵan.
Eske sala ketsek, 20 shildede ol Tsifrlyq damý birinshi vitse-ministri qyzmetine taǵaiyndaldy.
