Baǵdat Mýsin «Ashyq Alańda» kóptegen suraqqa jaýap berdi. Basynan aiaǵyna deiin muqiiat tyńdap shyqtym. Qazaqshasy óte jetik eken, dep jazdy Májilis depýtaty Erlan Sairov búgin Facebook-tegi paraqshasynda.
«Al jalpy, «IT salasyn demokratiialandyramyz. Burynǵy tárizdi tender jasamai, tikelei qajetti IT- ónimdi jasaityn platforma jasaimyz» dedi Mýsin.
«Al endi, bizdiń otandyq IT tehnologtar sol platformany jetildiredi» dep atap ótti.
Men IT-maman emespin. Qoldanýshy retinde, depýtattyq mártebemdi paidalanyp, jelidegi qaýymdastyqtyń suraqtaryn Ministr myrzaǵa jetkizdim. Ministr tushymdy, naqty jaýap beredi dep oilaimyn. Ony da jariialaimyn. Degenmen, myna áńgime kókeidegi kóptegen suraqqa jaýap berdi. Qoǵamda qandaida bir qosymsha suraq bolsa, taǵy qoia jatarmyz.
Jalpy, IT-tehnologtar ózderi diskýssiia jasap, bir sheshimge kelýi tiis.
Protsess ashyq, túsinikti bolýy kerek. Ministr dialogqa ashyq ekendigin málimdedi.
Memlekettik múdde máselesin jiti qadaǵalap otyramyz, bul anyq. Kúmán bolsa, ashyq jazamyz.
Bul máseleni ary qarai baqylaýda ustaimyz», - dep atap ótken óz jazbasynda Májilis depýtaty.
