باعدات مۋسين «اشىق الاڭدا» كٶپتەگەن سۇراققا جاۋاپ بەردٸ. باسىنان اياعىنا دەيٸن مۇقييات تىڭداپ شىقتىم. قازاقشاسى ٶتە جەتٸك ەكەن, دەپ جازدى مەجٸلٸس دەپۋتاتى ەرلان سايروۆ بٷگٸن Facebook-تەگٸ پاراقشاسىندا.
«ال جالپى, «IT سالاسىن دەموكراتييالاندىرامىز. بۇرىنعى تەرٸزدٸ تەندەر جاساماي, تٸكەلەي قاجەتتٸ IT- ٶنٸمدٸ جاسايتىن پلاتفورما جاسايمىز» دەدٸ مۋسين.
«ال ەندٸ, بٸزدٸڭ وتاندىق IT تەحنولوگتار سول پلاتفورمانى جەتٸلدٸرەدٸ» دەپ اتاپ ٶتتٸ.
مەن IT-مامان ەمەسپٸن. قولدانۋشى رەتٸندە, دەپۋتاتتىق مەرتەبەمدٸ پايدالانىپ, جەلٸدەگٸ قاۋىمداستىقتىڭ سۇراقتارىن مينيستر مىرزاعا جەتكٸزدٸم. مينيستر تۇشىمدى, ناقتى جاۋاپ بەرەدٸ دەپ ويلايمىن. ونى دا جارييالايمىن. دەگەنمەن, مىنا ەڭگٸمە كٶكەيدەگٸ كٶپتەگەن سۇراققا جاۋاپ بەردٸ. قوعامدا قاندايدا بٸر قوسىمشا سۇراق بولسا, تاعى قويا جاتارمىز.
جالپى, IT-تەحنولوگتار ٶزدەرٸ ديسكۋسسييا جاساپ, بٸر شەشٸمگە كەلۋٸ تيٸس.
پروتسەسس اشىق, تٷسٸنٸكتٸ بولۋى كەرەك. مينيستر ديالوگقا اشىق ەكەندٸگٸن مەلٸمدەدٸ.
مەملەكەتتٸك مٷددە مەسەلەسٸن جٸتٸ قاداعالاپ وتىرامىز, بۇل انىق. كٷمەن بولسا, اشىق جازامىز.
بۇل مەسەلەنٸ ارى قاراي باقىلاۋدا ۇستايمىز», - دەپ اتاپ ٶتكەن ٶز جازباسىندا مەجٸلٸس دەپۋتاتى.
