Foto: Tsifrlyq damý, innovatsiialar jáne aeroǵarysh ónerkásibi ministrligi
Baǵdat Mýsin Aqmola oblysynyń turǵyndarymen kezdesti, dep habarlaidy "Ult aqparat" QR Tsifrlyq damý, innovatsiialar jáne aeroǵarysh ónerkásibi ministrliginiń baspasóz qyzmetine silteme jasap.
Sapar aiasynda vedomstvo basshysy Kókshetaý qalasynyń Halyqqa qyzmet kórsetý ortalyǵynda azamattardy qabyldady, jurtshylyqpen jáne óńirdiń IT-mamandarymen kezdesti.
Azamattardy HQKO-ǵa qabyldaý kezinde Kókshetaý turǵyndary ministrmen júzbe-júz kezdesip, HQKO kórsetetin qyzmetterdiń sapasy týraly sóilesýge múmkindik aldy.
Jalpy, óńir turǵyndary HQKO jumysyna rizashylyǵyn bildirdi, sonymen qatar, olar «onlain-keńistikke» kóshkennen keiin memlekettik qyzmetterdi alýdyń jedeldigi men yńǵailylyǵy aitarlyqtai artqanyn atap ótti.
Sonymen qatar, olar ministrliktiń nazaryn qajet etetin máseleler jaily óz oi-pikirlerimen bólisti.
Azamattarmen kezdesý ótkizilgen jańa HQKO-ny «Azamattarǵa arnalǵan úkimet» memlekettik korporatsiiasy Halyk Bank-pen birlesip usynǵan, onda oblys ortalyǵynyń turǵyndary memlekettik jáne banktik qyzmetterdi bir jerden ala alady.
Ministr Baǵdat Mýsin bank pen memlekettik korporatsiianyń úzdiksiz integratsiiasy klientterge óz ýaqytyn únemdeýge jáne qajetti qyzmetterdi qysqa merzim ishinde alýǵa múmkindik beretinin jetkizdi.
«Dostar» mádeniet saraiynda ótken halyqpen kezdesý barysynda Baǵdat Batyrbekuly vedomstvonyń memlekettik qyzmetter kórsetý, oblysty qoljetimdi internet jáne bailanyspen qamtamasyz etý, ǵaryshtyq monitoring salalarda júrgizip jatqan jumystary aiasyndaǵy jobalar men jetistikter týraly aityp berdi.
Ministrlik basshysy búginde qazaqstandyqtarǵa kórsetiletin proaktivti qyzmetterdiń sany 46-ǵa jetkenin aitty, olardyń ishinde jeke kýálik, júrgizýshi kýáligi, neke jáne týý týraly kýálik jáne t.b. bar. Bul rette, Baǵdat Mýsin vedomstvonyń jumysy memlekettik qyzmetterdi proaktivti tártipte kórsetýge, al jaqyn bolashaqta adami faktordan múldem bas tartýǵa baǵyttalatynyn atap ótti.
Keńinen qoldanylatyn qyzmetter Halyk jáne Kaspi siiaqty tanymal platformalarda qoljetimdi. Bul platformalarda turǵyndar 16 qyzmetke tsifrlyq formatta qol jetkize alady.
Búginde HQKO-larǵa barmai-aq, úide beinetehnologiialardy paidalana otyryp, memlekettik qyzmetterdiń 79 túrin alýǵa múmkindik bar.
«Biz memlekettik qyzmet kórsetý úderisinen adami faktordy alyp tastaýdy maqsat etip otyrmyz. Jeke kýálikti alý jáne ony qaita shyǵarý úshin «qujattaý terminaly» syndy jobalardy iske asyrý kózdelýde. Qazirgi ýaqytta bul joba Astana qalasyndaǵy birqatar HQKO-da pilottyq túrde ornatylǵan. Bul sheshim halyqqa kóshi - qon qyzmetiniń qyzmetkerine júginbei-aq, 5-10 minýt ishinde jeke kýálikke tapsyrys berýge múmkindik beredi», - dedi Baǵdat Mýsin.
Sondai-aq ministr óńirdegi internet sapasyn jaqsartý baǵytynda qolǵa alynǵan joba-josparlarymen bólisti.
«Búgingi tańda biz «Qoljetimdi Internet» ulttyq jobasyn ázirledik. Ulttyq jobanyń maqsaty ¬- halyq pen kásipkerlik sýbektilerin joǵary jyldamdyqty (≥ 100 Mbit/s) Internet jelisine qol jetkizýmen qamtamasyz etý. Tsifrlyq teńsizdikti tómendetý maqsatynda barlyq aýyldyq eldi mekendi tiisti infraqurylymmen qamtamasyz etý qajet. Internet jelisimen 3 myńnan astam aýyldy TOBJ arqyly qamtamasyz etý josparlanýda, olardyń ishinde Aqmola oblysynyń 306 aýyly bar. Bul óz kezeginde, aýyldardyń damýyna (densaýlyq saqtaýdy, bilim berýdi, kásipkerlikti tsifrlandyrý jáne t.b.) oń áserin tigizedi», - dedi ministr.
Baǵdat Mýsin «Aqyldy qala» júiesin damytý taqyrybyn da qozǵady. Onyń málimetinshe, 2022 jyldyń qorytyndysy boiynsha Kókshetaý qalasy Smart City reitinginde 8-orynǵa ie bolyp, ótken jylmen salystyrǵanda óz pozitsiiasyn jaqsartty. Kókshetaý qalasynda 20 myńnan astam beinekamera ornatyldy, onyń 3,8 myńnan astamy Politsiia departamentiniń jedel basqarý ortalyǵyna tiesili.
Sondai-aq, Tsifrlyq damý ministri Kókshetaý qalasynda jol aqysyn tóleýdiń elektrondyq júiesi jumys isteitinin, onyń úlesi búgingi tańda 91 protsentti quraitynyn jetkizdi. Budan bólek, Biryńǵai esep aiyrysý ortalyǵy jobasy iske asyryldy, qazirgi tańda barlyq 10 TMS jetkizýshileri júiege qosylǵan.
Sapar barysynda tsifrlyq vedomstvo basshysy óńirlik IT-Hub-a jumysymen tanysyp, Aqmola oblysynyń IT-qaýymdastyǵymen kezdesti.
