18 sáýirde Balad áýe bazasy zymyran shabýylyna ushyrap, Irak qaýipsizdik kúshteriniń eki qyzmetkeri jaralandy. Bul týraly Iraktyń qorǵanys salasyndaǵy sheneýnikter habarlady. Bul joly da Baǵdat soltústigindegi Amerika áskeri shoǵyrlanǵan áýe bazasy atqylaýǵa ushyraǵan.
Ázirge shabýyldy eshkim moinyna almady, biraq amerikalyq sheneýnikter osyǵan deiin zymyran shabýylǵa iranshyl jasaqtardy aiyptaǵan. Shabýyldaýshylar AQSh áskeri, AQSh-tyń Baǵdattaǵy elshiligi jáne sheteldi jabdyqtaityn Irak saqshylaryn nysanaǵa alǵan.
Iranmen bailanysty áskeri toptar Iraktan shetel áskerin, onyń ishinde Amerikanyń shamamen 2500 sarbazyn alyp ketýdi talap etedi.
Irakta "Islam memleketi" tobymen kúresetin AQSh jetekshilik etetin koalitsiia bar. Buǵan qosa, Irak qaýipsizdik kúshterin jattyqtyrýmen ainalysatyn NATO missiiasy da ornalasqan.
