Foto: ©RIA Novosti/Vitalii Timkiv
Energetika ministri Almasadam Sátqaliev reseilik "Gazpromnyń" Qazaqstanǵa arnalǵan gaz baǵasyna qatysty málimdemesine túsinikteme berdi, dep habarlaidy Sputnik Qazaqstan.
Ol Resei Qazaqstanǵa gazdy ádil baǵamen satatynyna senetinin málimdedi.
"Gaz baǵasyn "Gazprom" korporatsiiasy men Resei úkimeti belgileitinin túsinemiz. Qazaqstanmen de, Belarýspen de ózara dostyq qarym-qatynasty eskerip, baǵa ádil bolatynyna senimdimiz. Sondai-aq bizdiń elder arasyndaǵy strategiialyq seriktestik faktory, sonyń ishinde ekonomikalyq parametrler nazarǵa alynady", - dedi Sátqaliev Úkimet kýlýarynda.
Ministr eksportqa shyǵarylatyn kez kelgen ónimniń baǵasy ózindik qunynan quralatynyn atap ótti.
Buǵan deiin Almasadam Sátqaliev eldiń soltústigi men shyǵysyn gazdandyrý úshin Resei Qazaqstanǵa gazdy "Belarýske qaraǵanda ájeptáýir tómen baǵamen" beretinin málimdegen edi. Artynsha "Gazprom" bul aqparatty joqqa shyǵardy.
