QR Premer-ministri Álihan Smaiylov Birikken Arab Ámirlikterine resmi sapary aiasynda "Ál-Bahr" saraiynda BAÁ Prezidenti sheih Muhammed ben Zaid Ál Nahaianmen kezdesti, - dep habarlaidy "Ult aqparat" Úkimettiń resmi saityna silteme jasap.
Premer-ministr biyl eki el arasyndaǵy diplomatiialyq qatynastardyń ornaǵanyna 30 jyl tolyp otyrǵanyn atap ótti.
Onyń aitýynsha, osy ýaqyt ishinde diplomatiialyq qatynastar strategiialyq seriktestik deńgeiine kóterildi.
"Biz ózara qyzyǵýshylyq týdyratyn ekonomikanyń barlyq salalarynda keń aýqymdy yntymaqtastyqty odan ári nyǵaitýǵa niettimiz. Sondai-aq Birikken Arab Ámirlikterine Qazaqstannyń halyqaralyq bastamalaryn árdaiym turaqty túrde qoldap otyrǵany úshin alǵys aitamyz", - dedi Álihan Smaiylov.
Premer-ministr sońǵy jyldary túrli salalardaǵy birlesken jobalar sanynyń ósýi baiqalyp otyrǵanyn aitty.
"Investitsiialyq yntymaqtastyqty odan ári arttyrý jáne tereńdetý úshin aitarlyqtai áleýet bar. Úkimet investorlarǵa olardyń bastamalaryn iske asyrýda jan-jaqty qoldaý kórsetýge ázir. Jaqyn arada biz jańa birlesken jobalardy iske qosamyz dep úmittenemin", - dedi Álihan Smaiylov.
Sonymen qatar premer-ministr BAÁ Prezidentine Qostanai oblysyndaǵy ormandy qalpyna keltirý jumystaryna 1 million dollar kóleminde kómek kórsetkeni úshin alǵys aitty.
Sheih Muhammed ben Zaid Ál Nahaian Qazaqstan men Birikken Arab Ámirlikterin erekshe dostyq qatynastar bailanystyratynyn atap ótti.
"Men ekijaqty yntymaqtastyqtyń barlyq baǵyttaryn tolyq qoldaimyn", - dep atap ótken BAÁ Prezidenti Qazaqstan Prezidenti Qasym-Jomart Toqaevqa ystyq yqylasy men shynaiy tilegin jetkizdi.
