قر پرەمەر-مينيسترٸ ەليحان سمايىلوۆ بٸرٸككەن اراب ەمٸرلٸكتەرٸنە رەسمي ساپارى اياسىندا "ەل-باحر" سارايىندا باە پرەزيدەنتٸ شەيح مۇحاممەد بەن زايد ەل ناحايانمەن كەزدەستٸ, - دەپ حابارلايدى "ۇلت اقپارات" ٷكٸمەتتٸڭ رەسمي سايتىنا سٸلتەمە جاساپ.
پرەمەر-مينيستر بيىل ەكٸ ەل اراسىنداعى ديپلوماتييالىق قاتىناستاردىڭ ورناعانىنا 30 جىل تولىپ وتىرعانىن اتاپ ٶتتٸ.
ونىڭ ايتۋىنشا, وسى ۋاقىت ٸشٸندە ديپلوماتييالىق قاتىناستار ستراتەگييالىق سەرٸكتەستٸك دەڭگەيٸنە كٶتەرٸلدٸ.
"بٸز ٶزارا قىزىعۋشىلىق تۋدىراتىن ەكونوميكانىڭ بارلىق سالالارىندا كەڭ اۋقىمدى ىنتىماقتاستىقتى ودان ەرٸ نىعايتۋعا نيەتتٸمٸز. سونداي-اق بٸرٸككەن اراب ەمٸرلٸكتەرٸنە قازاقستاننىڭ حالىقارالىق باستامالارىن ەردايىم تۇراقتى تٷردە قولداپ وتىرعانى ٷشٸن العىس ايتامىز", - دەدٸ ەليحان سمايىلوۆ.
پرەمەر-مينيستر سوڭعى جىلدارى تٷرلٸ سالالارداعى بٸرلەسكەن جوبالار سانىنىڭ ٶسۋٸ بايقالىپ وتىرعانىن ايتتى.
"ينۆەستيتسييالىق ىنتىماقتاستىقتى ودان ەرٸ ارتتىرۋ جەنە تەرەڭدەتۋ ٷشٸن ايتارلىقتاي ەلەۋەت بار. ٷكٸمەت ينۆەستورلارعا ولاردىڭ باستامالارىن ٸسكە اسىرۋدا جان-جاقتى قولداۋ كٶرسەتۋگە ەزٸر. جاقىن ارادا بٸز جاڭا بٸرلەسكەن جوبالاردى ٸسكە قوسامىز دەپ ٷمٸتتەنەمٸن", - دەدٸ ەليحان سمايىلوۆ.
سونىمەن قاتار پرەمەر-مينيستر باە پرەزيدەنتٸنە قوستاناي وبلىسىنداعى ورماندى قالپىنا كەلتٸرۋ جۇمىستارىنا 1 ميلليون دوللار كٶلەمٸندە كٶمەك كٶرسەتكەنٸ ٷشٸن العىس ايتتى.
شەيح مۇحاممەد بەن زايد ەل ناحايان قازاقستان مەن بٸرٸككەن اراب ەمٸرلٸكتەرٸن ەرەكشە دوستىق قاتىناستار بايلانىستىراتىنىن اتاپ ٶتتٸ.
"مەن ەكٸجاقتى ىنتىماقتاستىقتىڭ بارلىق باعىتتارىن تولىق قولدايمىن", - دەپ اتاپ ٶتكەن باە پرەزيدەنتٸ قازاقستان پرەزيدەنتٸ قاسىم-جومارت توقاەۆقا ىستىق ىقىلاسى مەن شىنايى تٸلەگٸن جەتكٸزدٸ.
