Foto: ashyq derekkóz
QR Kólik ministrligi men Terminals Astana Airport Limited kompaniiasy (Terminals holding quramyna kiredi, BAÁ) áýejaidy jáne oǵan irgeles aýmaqty keshendi damytýǵa baǵyttalǵan investitsiialyq kelisim jasasty. Investitsiianyń jalpy quny 1,1 mlrd dollardy quraidy, dep habarlaidy Ult.kz.
Kelisim aiasynda investor ekinshi ushý-qoný jolaǵyn, úshinshi jolaýshylar terminalyn, sondai-aq júkterge arnalǵan cargo terminalyn salady. Sondai-aq, investor indýstriialyq - logistikalyq aimaǵy men qonaq úileri, saýda alańdary, logistikalyq terminaldary bar biznes-klasterdi qamtityn kópfýnktsionaldy aerotropolis kesheshin damytýdy josparlap otyr.
Budan basqa, arnaiy tehnika parkin jańartý, tsifrlyq sheshimder men avtomattandyrý júielerin engizý, áýejai qyzmetkerlerin kezeń-kezeńimen oqytyp, biliktilikti arttyrý jumystary josparlandy. Qyzmetkerler halyqaralyq aviatsiialyq talaptarǵa sáikes arnaiy treningterden ótedi.
Sonymen qatar QR Kólik ministrligi men BAÁ Energetika jáne infraqurylym ministrligi arasynda avtomobil kóligi salasyndaǵy yntymaqtastyq týraly ózara túsinistik týraly Memorandýmǵa qol qoiyldy. Taraptar tehnikalyq bilimmen, daǵdylarmen jáne ozyq tájiribe almasýǵa nietti. Jaqyn arada QR men BAÁ arasyndaǵy avtomobil kóligimen halyqaralyq tasymaldaý máselelerin reglamentteýge múmkindik beretin Úkimetaralyq kelisimge qol qoiylady dep kútilýde.
Qazirgi tańda Qazaqstan halyqaralyq avtotasymaldaý aiasynda 42 Úkimetaralyq kelisim jasasty.
