Segiz kúni ishinde Birikken Arab Ámirlikterinen 800 qazaqstandyq elge oraldy, dep habarlaidy "Ult aqparat" QR Syrtqy ister ministrligine silteme jasap.
«COVID-19 pandemiiasyna bailanysty BAÁ halyqaralyq áýe reisteriniń kópshiligin ýaqytsha toqtatty. Sondai-aq, elde dezinfektsiialaý sharalaryna bailanysty avtokólik qozǵalysy shekteldi. Osyǵan orai, 20-28 naýryz aralyǵynda Qazaqstannyń BAÁ-degi Elshiligi, Dýbaidaǵy Bas konsýldyǵy jáne Ámirlikterdiń memlekettik organdarynyń kómegimen Qazaqstanǵa 801 otandasymyz qaitaryldy», - dedi ministrlikten.
Málim etilgendei, búgin «Air Astana» áýekompaniiasynyń charterlik reisimen Dýbai – Almaty baǵyty boiynsha 116 qazaqstandyq oraldy.
«Bizdiń diplomattarymyzdyń kúshimen úige oralýdy qajet etetin azamattarymyz osy reiske qosymsha otyrǵyzyldy», - dep qosty vedomstvodan.
