QR Syrtqy ister ministrligi Birikken Arab Ámirlikterinde qazaqstandyqtar úshin vizasyz rejim qai merzimde engiziletinin aitty, dep habarlaidy Ult.kz tilshisi QazAqparat agenttigine silteme jasap.
«Qol qoiylǵan qujatty iske asyrý boiynsha memlekettik ishki protsedýralar bir-eki aida aiaqtalady dep úmittenemiz. Qujat kúshine engennen soń, bizdiń azamattar qazaqstandyq týrister arasynda tanymal elge sapar jasaý barysynda jylyna 10 million AQSh dollaryna deiin únemdeitin bolady», - dep jazdy QR SIM baspasóz qyzmetiniń basshysy Anýar Jainaqov óziniń feisbýktegi paraqshasynda.
Onyń málimetteri boiynsha, qazir qazaqstandyqtar BAÁ-ge viza alý úshin shamamen 100 AQSh dollaryn shyǵyndaidy.
«Kópshilik úshin qyzyq bolatyn taǵy bir málimetterdi jetkizeiin, qazaqstandyq diplomattar osyndai kelissózderdi Tailandpen, Izrailmen, QHR arnaiy ákimshilik aimaǵy Makaomen, sonymen qatar Dominikan Respýblikasy, Kosta-Rika jáne Fidji syndy ekzotikalyq memlekettermen de júrgizip jatyr», - dedi Jainaqov.
Bunyń aldynda qazaqstandyq azamattarǵa Birikken Arab Ámirlikterine vizasyz barýǵa jol ashylǵanyn habarlaǵan bolatynbyz.
