قر سىرتقى ٸستەر مينيسترلٸگٸ بٸرٸككەن اراب ەمٸرلٸكتەرٸندە قازاقستاندىقتار ٷشٸن ۆيزاسىز رەجيم قاي مەرزٸمدە ەنگٸزٸلەتٸنٸن ايتتى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«قول قويىلعان قۇجاتتى ٸسكە اسىرۋ بويىنشا مەملەكەتتٸك ٸشكٸ پروتسەدۋرالار بٸر-ەكٸ ايدا اياقتالادى دەپ ٷمٸتتەنەمٸز. قۇجات كٷشٸنە ەنگەننەن سوڭ, بٸزدٸڭ ازاماتتار قازاقستاندىق تۋريستەر اراسىندا تانىمال ەلگە ساپار جاساۋ بارىسىندا جىلىنا 10 ميلليون اقش دوللارىنا دەيٸن ٷنەمدەيتٸن بولادى», - دەپ جازدى قر سٸم باسپاسٶز قىزمەتٸنٸڭ باسشىسى انۋار جايناقوۆ ٶزٸنٸڭ فەيسبۋكتەگٸ پاراقشاسىندا.
ونىڭ مەلٸمەتتەرٸ بويىنشا, قازٸر قازاقستاندىقتار باە-گە ۆيزا الۋ ٷشٸن شامامەن 100 اقش دوللارىن شىعىندايدى.
«كٶپشٸلٸك ٷشٸن قىزىق بولاتىن تاعى بٸر مەلٸمەتتەردٸ جەتكٸزەيٸن, قازاقستاندىق ديپلوماتتار وسىنداي كەلٸسسٶزدەردٸ تايلاندپەن, يزرايلمەن, قحر ارنايى ەكٸمشٸلٸك ايماعى ماكاومەن, سونىمەن قاتار دومينيكان رەسپۋبليكاسى, كوستا-ريكا جەنە فيدجي سىندى ەكزوتيكالىق مەملەكەتتەرمەن دە جٷرگٸزٸپ جاتىر», - دەدٸ جايناقوۆ.
بۇنىڭ الدىندا قازاقستاندىق ازاماتتارعا بٸرٸككەن اراب ەمٸرلٸكتەرٸنە ۆيزاسىز بارۋعا جول اشىلعانىن حابارلاعان بولاتىنبىز.
