QR Premer-Ministri Baqytjan Saǵyntaev QR Úkimeti otyrysynda taiaý arada nátijeli jumyspen qamtýdy jáne jappai kásipkerlikti damytý baǵdarlamasyn maquldaýdy aiaqtap, ony bekitýge shyǵarýdy tapsyrdy.
Premer-Ministr ázirlengen baǵdarlama aiasynda jumyssyz azamattarmen jumys isteý barysy ózgeretinin atap ótti.
«Eger biz buryn «Jumyspen qamtýdyń jol kartasy-2020» baǵdarlamasy boiynsha ýaqytsha jumys oryndaryna kóńil bólsek, endi oqytý arqyly tek qana turaqty jumys oryndaryna kóńil bólinedi. Eń bastysy, adamdarǵa óz isterin ashýǵa jáne jańa jumys oryndaryn qalyptastyrýǵa múmkindik beremiz. Jaýapty organdar anyqtaldy, ókilettilikter berildi, olardyń arasynda jergilikti atqarýshy organdar bar»,-dedi B. Saǵyntaev.
Premer-Ministr osy baǵdarlama boiynsha barlyq ázirlik jumystaryn aiaqtap, ony 15 jeltoqsanǵa deiin Úkimetke bekitýge usynýdy tapsyrdy.
Memleket basshysy Nursultan Nazarbaevtyń tapsyrmasy boiynsha, QR Úkimeti jańadan Nátijeli jumyspen qamtý jáne jappai kásipkerlikti damytý baǵdarlamasyn jasaǵan bolatyn. Bul baǵdarlamanyń maqsaty nátijeli jumyspen qamtýǵa jaǵdai jasai otyryp, halyqqa óz tabystaryn arttyrýǵa múmkindik berý bolyp tabylady.
Ult portaly
.jpeg)