QR Ulttyq bankiniń tóraǵasy Ǵalymjan Pirmatov Qazaqstan úshin syrtqy infliatsiialyq jaǵdai nelikten qolaisyz bolatynyn túsindirdi, dep habarlaidy QazAqparat.
«Biyl makroekonomikalyq ahýal geosaiasi jaǵdaidyń nasharlaýy men álemdik qarjy, taýar naryǵyndaǵy qubylmalyqtyń artýy aiasynda damyp jatyr. Geosaiasi shielenisten taýar jetkizý problemalary kúrdelenip, álemde infliatsiialyq qysym kúsheiip keledi. Osyǵan bailanysty Halyqaralyq valiýta qory jahandyq infliatsiianyń joǵary deńgeii aldyńǵy boljammen salystyrǵanda uzaǵyraq saqtalady dep kútedi», - dedi Ǵalymjan Pirmatov Senat otyrysynda.
Birikken Ulttar Uiymy qadaǵalaityn álemdegi azyq-túlik baǵasy indeksi 1990 jyldan bastap eń joǵary kórsetkishke jetti.
Azyq-túliktiń álemdik baǵasy 2022 jyly da, 2023 jyly da joǵary deńgeide qalady dep kútilip otyr.
«Azyq-túlik, shikizat, janar-jaǵar mai, gaz baǵasynyń qymbattaýynan Eýroodaq pen AQSh-taǵy infliatsiia kóp jyldyq rekordty kórsetip otyr, al Reseide infliatsiia 16,7%-ǵa jetti. Mundai jaǵdaida damyǵan elder aqsha-kredit talaptaryn kúsheitedi, bul damýshy elderdiń valiýtalaryna qysym jasaidy. Osyǵan bailanysty Qazaqstan úshin syrtqy infliatsiialyq jaǵdai qolaisyz bolyp qalyptasyp otyr», - dedi Ulttyq bank tóraǵasy.
