قر ۇلتتىق بانكٸنٸڭ تٶراعاسى عالىمجان پٸرماتوۆ قازاقستان ٷشٸن سىرتقى ينفلياتسييالىق جاعداي نەلٸكتەن قولايسىز بولاتىنىن تٷسٸندٸردٸ, دەپ حابارلايدى قازاقپارات.
«بيىل ماكروەكونوميكالىق احۋال گەوساياسي جاعدايدىڭ ناشارلاۋى مەن ەلەمدٸك قارجى, تاۋار نارىعىنداعى قۇبىلمالىقتىڭ ارتۋى اياسىندا دامىپ جاتىر. گەوساياسي شيەلەنٸستەن تاۋار جەتكٸزۋ پروبلەمالارى كٷردەلەنٸپ, ەلەمدە ينفلياتسييالىق قىسىم كٷشەيٸپ كەلەدٸ. وسىعان بايلانىستى حالىقارالىق ۆاليۋتا قورى جاھاندىق ينفلياتسييانىڭ جوعارى دەڭگەيٸ الدىڭعى بولجاممەن سالىستىرعاندا ۇزاعىراق ساقتالادى دەپ كٷتەدٸ», - دەدٸ عالىمجان پٸرماتوۆ سەنات وتىرىسىندا.
بٸرٸككەن ۇلتتار ۇيىمى قاداعالايتىن ەلەمدەگٸ ازىق-تٷلٸك باعاسى يندەكسٸ 1990 جىلدان باستاپ ەڭ جوعارى كٶرسەتكٸشكە جەتتٸ.
ازىق-تٷلٸكتٸڭ ەلەمدٸك باعاسى 2022 جىلى دا, 2023 جىلى دا جوعارى دەڭگەيدە قالادى دەپ كٷتٸلٸپ وتىر.
«ازىق-تٷلٸك, شيكٸزات, جانار-جاعار ماي, گاز باعاسىنىڭ قىمباتتاۋىنان ەۋرووداق پەن اقش-تاعى ينفلياتسييا كٶپ جىلدىق رەكوردتى كٶرسەتٸپ وتىر, ال رەسەيدە ينفلياتسييا 16,7%-عا جەتتٸ. مۇنداي جاعدايدا دامىعان ەلدەر اقشا-كرەديت تالاپتارىن كٷشەيتەدٸ, بۇل دامۋشى ەلدەردٸڭ ۆاليۋتالارىنا قىسىم جاسايدى. وسىعان بايلانىستى قازاقستان ٷشٸن سىرتقى ينفلياتسييالىق جاعداي قولايسىز بولىپ قالىپتاسىپ وتىر», - دەدٸ ۇلتتىق بانك تٶراعاسى.
