Baǵany ákimshilik mehanizmdermen ustap turýdan basqa ádisterin qoldaný qajet. Úkimet otyrysynda QR Premer-Ministri Álihan Smaiylov tiisti sala basshylaryna osyndai tapsyrma júktedi, dep habarlaidy QazAqparat.
«Baǵalardy ákimshilik mehanizmdermen ustap turý naryqtyq tásilderge jatpaitynyn bilemiz. Sondyqtan baǵalardy turaqtandyrýdyń basqa da ádisterin qoldaný qajet.
Sonymen birge, Jospar aiasynda forvardtyq jetkizýler júiesin damyta otyryp, agroónerkásip kesheni jáne saýda sýbektileriniń arasynda uzaq merzimdi turaqty sharýashylyq bailanystardy ornatý sharalaryn da qarastyrý kerek», - dedi Premer-Ministr.
Onyń aitýyna qaraǵanda, azyq-túlik qaýipsizdigin qamtamasyz etýde shyǵarylatyn tamaq ónimderiniń sapasy da mańyzdy oryn alady.
«Bul baǵytta veterinarlyq jáne fitosanitarlyq baqylaý men tamaq ónimderin sertifikattaý jumystaryn jetildirýdiń mańyzy zor. Sondai-aq agrarlyq ǵylymdy damytý qajet. Ǵylymi zertteý protsesteriniń integratsiiasyn, kadr daiyndaý jáne ǵylymi jetistikterdi óndiriske engizýdi qamtamasyz etý kerek.
Bul úshin Josparda agrarlyq ýniversitetter bazasynda quramyna agrarlyq ǵylymi institýttar men tájiribelik sharýashylyqtardy qosa otyryp, zertteý ortalyqtaryn qurý boiynsha naqty mindetterdi qarastyrý qajet», - dedi Úkimet basshysy.
